30 сакавіка, Мінск /Кар. БЕЛТА/. Пасланне Прэзідэнта беларускаму народу і парламенту ўяўляе сабой стратэгічны погляд лідара краіны на прыярытэты развіцця Беларусі. Аб гэтым паведаміў карэспандэнту БЕЛТА міністр прамысловасці Беларусі Аляксандр Рагожнік.
"Пасланне Прэзідэнта - важнае мерапрыемства ў жыцці рэспублікі, якое ўяўляе сабой стратэгічны погляд лідара краіны на прыярытэты развіцця Беларусі. І цяперашняе пасланне надзвычай актуальнае, паколькі будуць абазначаны перспектывы развіцця ў новых умовах знешніх выклікаў - калі ўсім нам неабходна з'яднацца і разлічваць выключна на свае сілы і веды, быць з Радзімай і працаваць на яе карысць", - пракаменціраваў міністр.
Традыцыйна ў паслання кіраўніка дзяржавы некалькі адрасатаў, пачынаючы ад простых грамадзян і заканчваючы сусветнай супольнасцю. "Але, мяркую, самы важны пасыл будзе адрасаваны менавіта грамадзянам: Беларусь была, ёсць і будзе незалежнай і суверэннай дзяржавай, у якой інтарэсы людзей пакладзены ў аснову дзяржаўнай палітыкі", - адзначыў Аляксандр Рагожнік.
Паводле яго слоў, Прэзідэнт Беларусі закране і тэму тэхналагічнага суверэнітэту краіны, ад рэалізацыі якога залежыць забеспячэнне бяспечнай незалежнай і дастойнай будучыні.
"Перад урадам, міністэрствамі і ведамствамі, мясцовымі органамі ўлады будуць пастаўлены дакладныя і канкрэтныя задачы. Мінпрам, а таксама арганізацыі сістэмы Мінпрама гатовы да іх выканання", - сказаў на заканчэнне міністр прамысловасці Беларусі.-0-
