ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск Малавоблачна +26°C
Усе навіны
Усе навіны
Грамадства
29 чэрвеня 2022, 09:00

МНС папярэдзіла аб небяспецы з-за непагоды: магчымы адключэнні святла і падтапленні

Фота з архіва
Фота з архіва

29 чэрвеня, Мінск /Кар. БЕЛТА/. Міністэрства па надзвычайных сітуацыях папярэджвае аб небяспеках непагоды 29 чэрвеня, паведамляе БЕЛТА.

У Беларусі 29 чэрвеня аб'яўлены аранжавы ўзровень небяспекі з-за ліўняў і шквалістага ветру. Пры такіх умовах надвор'я магчымы падзенні слаба ўмацаваных канструкцый, дрэў, траўміраванне людзей, пашкоджанне сельгасугоддзяў, транспартных сродкаў, збудаванняў, камунікацый. Таксама ў МНС папярэдзілі аб магчымым падтапленні дамоў, гаспадарчых пабудоў, агародаў, сельгасугоддзяў, аўтадарог мясцовага значэння. Адзначаецца павышэнне гібелі людзей на вадзе пры купанні ў непагоду, узнікненне прыродных пажараў, а таксама пажараў у жылых дамах і ў вытворчых будынках. Будзе ўскладнена работа рачнога транспарту, а таксама магчымы аварыі на чыгуначным транспарце з-за дэфармацыі рэек, павелічэнне дарожна-транспартных здарэнняў і няштатных сітуацый на сістэмах жыццезабеспячэння і энергетыкі, высокая верагоднасць цеплавых удараў.

Сёння, 29 чэрвеня, будзе пераменная воблачнасць. На большай частцы тэрыторыі краіны пройдуць кароткачасовыя дажджы з навальніцамі, месцамі чакаюцца моцныя ліўні. Днём у асобных раёнах град. Вецер няўстойлівы 3-8 м/с, пры навальніцах парывы могуць дасягаць 14 м/с, днём месцамі шквалістае ўзмацненне да 15-20 м/с. Тэмпература паветра ноччу складзе плюс 16-22 градусы, днём - плюс 29-34 градусы. Месцамі па Брэсцкай вобласці слупок тэрмометра паднімецца да плюс 35-36 градусаў, а па паўночна-ўсходняй палавіне - да 24-28 градусаў цяпла. 30 чэрвеня і 1 ліпеня пройдуць кароткачасовыя дажджы. Тэмпература паветра па краіне складзе ад плюс 11 градусаў ноччу да плюс 34 градусаў днём.

Ратавальнікі падкрэслілі, што магчымы таксама пашкоджанні дахаў будынкаў, сувязі і электраперадачы. У выпадку пажаранебяспечнай сітуацыі ў прыродных экасістэмах магчыма хуткае распаўсюджванне ачага на населеныя пункты, лініі электраперадачы і сувязі. Акрамя гэтага, магчыма дэфармацыя асфальтавага пакрыцця і павелічэнне колькасці ДТЗ, а таксама адключэнне электрычнай энергіі з-за перагрэву трансфарматарнага абсталявання. Акрамя таго, можа павялічыцца захваральнасць на інфекцыйныя і паразітарныя захворванні, абвастрэнне сардэчна-сасудзістых хвароб.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі