Фота з архива
30 студзеня, Мінск /Кар. БЕЛТА/. Мяцеліца і моцны вецер чакаюцца сёння ў Беларусі, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сёння чакаецца пераважна воблачнае надвор'е. Часам пройдуць ападкі, у асноўным снег, мокры снег, месцамі мяцеліца. У асобных раёнах слабы галалёд, на дарогах галалёдзіца. Вецер паўднёва-заходні 5-10 м/с, у многіх раёнах парывы 15-18 м/с. У сувязі з гэтым Белгідрамет аб'явіў аранжавы ўзровень небяспекі.
Тэмпература паветра ўдзень будзе ў межах ад мінус 2 да плюс 2 градусаў.-0-
