ДЗЯРЖОРГАНЫДЗЯРЖОРГАНЫ
Флаг Панядзелак, 30 студзеня 2023
Мінск -1°C
Усе навіны
Усе навіны
Грамадства
28 лістапада 2022, 13:29

Мінск і Уладзівасток прапрацоўваюць магчымасць арганізацыі прамых авіязносін

Фота з архіва
Фота з архіва

28 лістапада, Мінск /Кар. БЕЛТА/. Мінск і Уладзівасток прапрацоўваюць магчымасць арганізацыі прамых авіязносін. Аб гэтым паведаміў журналістам губернатар Прыморскага края Расіі Алег Кажамяка пасля сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

"Мы пагаварылі аб магчымасці прапрацоўкі прамога рэйса з Уладзівастока ў Мінск і з Мінска ва Уладзівасток. Для многіх гэта было б цікава. Тут ёсць што паглядзець - Мінск, Брэсцкую крэпасць, Белавежскую пушчу, Гродна", - сказаў кіраўнік рэгіёна.

У той жа час беларусам будзе цікава пабываць на Далёкім Усходзе, ацаніць прыгажосць мора, прыморскай зямлі, тайгі, тыграў. Акрамя таго, адтуль зручна дабірацца далей у Тайланд, М'янму, іншыя краіны Паўднёва-Усходняй Азіі. Пры наяўнасці прамых авіязносін таксама было б прасцей арганізаваць адпачынак дзяцей з Прымор'я ў беларускіх здраўніцах і лагерах, лічыць Алег Кажамяка.

"Мне здаецца, што гэты напрамак патрабуе больш глабальнай прапрацоўкі для таго, каб мы маглі напрамую лятаць, мінуючы перасадкі", - падагульніў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі