ДЗЯРЖОРГАНЫДЗЯРЖОРГАНЫ
Флаг Серада, 10 жніўня 2022
Мінск +20°C
Усе навіны
Усе навіны
Грамадства
24 мая 2022, 09:29

Міністэрства аховы здароўя: верагоднасць завозу воспы малпаў у Беларусь ацэньваецца як нізкая

Фота з архіва
Фота з архіва

24 мая, Мінск /Кар. БЕЛТА/. Міністэрства аховы здароўя ацэньвае верагоднасць завозу воспы малпаў у Беларусь як нізкую ў сувязі з адсутнасцю авіязносін з большасцю краін, паведамляе БЕЛТА са спасылкай на прэс-службу Міністэрства аховы здароўя.

Разам з тым для прадухілення завозу ў краіну гэтай інфекцыі Міністэрства аховы здароўя ў пунктах пропуску на дзяржаўнай граніцы ўзмацніла санітарна-каранцінны кантроль. Дадаткова праводзіцца навучанне медработнікаў дыферэнцыяльнай дыягностыцы захворвання. Спецыялісты РНПЦ эпідэміялогіі і мікрабіялогіі распрацоўваюць тэст-сістэмы для своечасовай дыягностыкі захворвання.

Каб не захварэць, Міністэрства аховы здароўя рэкамендуе людзям, якія наведваюць эндэмічныя на воспе малпаў краіны (Дэмакратычную Рэспубліку Конга, Рэспубліку Конга, Камерун, Цэнтральнаафрыканскую Рэспубліку, Нігерыю, Кот-д'Івуар, Ліберыю, Сьера-Леонэ, Габон і Паўднёвы Судан), пазбягаць кантакту з грызунамі і прыматамі. Ужываць у ежу прадукты жывёльнага паходжання трэба толькі дасканала прыгатаваныя.

Пры кантакце з людзьмі, якія прыбылі з краін, дзе зарэгістраваны выпадкі захворвання, і маюць сімптомы, падобныя на вострую рэспіраторную інфекцыю, неабходна выконваць асноўныя прафілактычныя правілы - карыстацца маскай і захоўваць гігіену рук.

У Міністэрстве аховы здароўя растлумачылі: воспа малпаў - рэдкае інфекцыйнае захворванне, якое характарызуецца ліхаманкай, агульнай інтаксікацыяй і з'яўленнем экзантэмы. Крыніцай інфекцыі з'яўляюцца малпы. Воспа малпаў не вызначаецца высокай заразнасцю. Тым не менш ёсць выпадкі, калі інфекцыя перадавалася ад чалавека да чалавека пры працяглым кантакце. Магчымы паветрана-кропельны і кантактна-бытавы шляхі перадачы, у тым ліку палавы.

Інкубацыйны перыяд доўжыцца ад 5 да 21 дня. Пачынаецца захворванне востра, з павышэння тэмпературы цела, галаўнога і мышачнага болю, магчымы галавакружэнне, млоснасць, ірвота. Далейшая дынаміка хваробы падобна з сімптаматыкай натуральнай воспы (з'яўленне сыпу). Звычайна захворванне праходзіць у лёгкай і сярэдняй ступені цяжкасці.

Спецыяльнай вакцыны ад гэтай інфекцыі няма. Аднак дзякуючы раней праведзенай масавай вакцынацыі ад натуральнай воспы створана значная імунная праслойка, якая можа дапамагчы купіраваць распаўсюджванне воспы малпаў, паколькі ўсе паксвірусы даюць добры перакрыжаваны імунітэт.

Адзінкавыя выпадкі заражэння воспай малпаў выявілі ў Аўстраліі, Афрыцы, Канадзе, Вялікабрытаніі, Партугаліі, Іспаніі і ЗША.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі