ДЗЯРЖОРГАНЫДЗЯРЖОРГАНЫ
Флаг Панядзелак, 30 студзеня 2023
Мінск -1°C
Усе навіны
Усе навіны
Грамадства
07 снежня 2022, 18:48

Мінэканомікі: інфляцыя ў Беларусі ў гадавым выражэнні запавольваецца трэці месяц запар

Фота з архіва
Фота з архіва

7 снежня, Мінск /Кар. БЕЛТА/. Інфляцыя ў Беларусі ў гадавым выражэнні запавольваецца трэці месяц запар. Аб гэтым заявіў першы намеснік міністра эканомікі Юрый Чабатар, выступаючы з дакладам аб рабоце эканомікі ў 2022 годзе і прагнозе на 2023 год на пасяджэнні Савета Саюза некамерцыйных арганізацый "Канфедэрацыя прамыслоўцаў і прадпрымальнікаў (наймальнікаў)", паведамілі БЕЛТА ў прэс-службе Мінэканомікі.

Паводле слоў Юрыя Чабатара, насуперак уздзеянню шэрага неспрыяльных фактараў ўдаецца падтрымліваць макраэканамічную і фінансавую стабільнасць. "Інфляцыя запавольваецца ў гадавым выражэнні ўжо 3-ы месяц запар. Цэны на большасць нехарчовых тавараў альбо не змяніліся, альбо знізіліся", - сказаў Юрый Чабатар.

"Эфектыўныя меры па пераарыентацыі і падтрымцы экспарту дазволілі атрымаць за тры кварталы рэкорднае сальда знешняга гандлю - $4 млрд, нарасціць экспарт інвестыцыйных і спажывецкіх тавараў, кампенсаваць больш чым на 80 працэнтаў страты экспарту на рынках недружалюбных краін і Украіны", - падкрэсліў першы намеснік міністра.

Ён таксама адзначыў, што палепшыўся фінансавы стан прадпрыемстваў. "Значэнні рэнтабельнасці вышэйшыя за мінулагоднія як па эканоміцы (8,9 працэнта супраць 8 працэнтаў у мінулым годзе), так і па ключавых міністэрствах, канцэрнах, рэгіёнах. Захоўваецца ўстойлівая тэндэнцыя росту чыстага прыбытку. Колькасць стратных арганізацый і ўзровень пазыковай нагрузкі знаходзяцца на мінімальных значэннях за апошнія 7 гадоў", - заявіў Юрый Чабатар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі