ДЗЯРЖОРГАНЫДЗЯРЖОРГАНЫ
Флаг Чацвер, 11 жніўня 2022
Мінск Ясна +22°C
Усе навіны
Усе навіны
Грамадства
05 ліпеня 2022, 13:01

Метадычныя рэкамендацыі па павышэнні зарплаты медработнікам распрацавалі ў Беларусі

Фота з архіва
Фота з архіва

5 ліпеня, Мінск /Кар. БЕЛТА/. У Беларусі распрацавалі метадычныя рэкамендацыі па павышэнні заработнай платы работнікам сістэмы аховы здароўя, паведамляе БЕЛТА са спасылкай на прэс-службу Міністэрства аховы здароўя.

Рэкамендацыі прызначаны для вызначэння ўмоў аплаты працы па пасадах служачых медыцынскіх, а таксама работнікаў, занятых у ахове здароўя, бюджэтных арганізацый.

Яны распрацаваны пасля правядзення інфармацыйна-растлумачальнай работы і з улікам пытанняў, якія паступілі ад бюджэтных арганізацый сістэмы аховы здароўя.

Да гэтага спецыялісты Міністэрства аховы здароўя і Рэспубліканскага камітэта Беларускага прафсаюза работнікаў аховы здароўя правялі серыю семінараў для ўсіх эканамічных і бухгалтарскіх службаў бюджэтных арганізацый сістэмы па пытаннях павышэння заработнай платы работнікаў.

Як паведамлялася, медыцынскім работнікам у Беларусі павышана заработная плата за кошт устанаўлення стымулюючых выплат. Адпаведнае даручэнне кіраўніка дзяржавы Аляксандра Лукашэнкі Савету Міністраў замацавана ва ўказе нумар 206 ад 21 чэрвеня гэтага года. Увядзенне новай дадатковай надбаўкі за работу ў сферы аховы здароўя ўсім катэгорыям медработнікаў прадугледжана з 1 ліпеня 2022 года. Гэта надбаўка будзе ўстанаўлівацца дыферэнцыравана ў залежнасці ад складанасці і інтэнсіўнасці работы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі