Сцяг Пятніца, 24 мая 2024
Усе навіны
Усе навіны
Грамадства
07 лютага 2023, 12:44

Луцкі: сцэнарыі нагнятання ваенна-палітычнай абстаноўкі пішуцца не ў Беларусі

7 лютага, Мінск /Кар. БЕЛТА/. Сцэнарыі нагнятання ваенна-палітычнай абстаноўкі пішуцца не ў Беларусі. Аб гэтым у час маштабнай трэніроўкі дзяржорганаў заявіў журналістам намеснік кіраўніка Адміністрацыі Прэзідэнта Беларусі Ігар Луцкі, перадае карэспандэнт БЕЛТА.

"Трэніроўка дзяржорганаў у мэтах забеспячэння нацыянальнай бяспекі - важны элемент работы ўсіх нас для таго, каб гэту бяспеку забяспечыць. Неабходна адзначыць, што сцэнарыі нагнятання ваенна-палітычнай абстаноўкі вакол нашай краіны пішуцца не ў Беларусі. Мы добра ведаем гэтыя сцэнарыі, і наша задача сёння - адпрацаваць магчымыя варыянты развіцця. Мы добра ведаем формы і метады работы нашых праціўнікаў", - сказаў Ігар Луцкі.

Намеснік кіраўніка Адміністрацыі Прэзідэнта дадаў, што гэтыя формы і метады былі апрабаваны ў 2020 годзе на тэрыторыі Беларусі. "Сёння неабходна толькі карэкціроўка пэўных дзеянняў, мабілізацыя ўсіх дзяржаўных органаў для выканання задач нацыянальнай бяспекі", - адзначыў ён.

Многае залежыць і ад сітуацыі ўнутры краіны, падкрэсліў Ігар Луцкі. "Наколькі насельніцтва гатова ўспрымаць тыя ці іншыя недружалюбныя дзеянні ў адносінах да нашай дзяржавы ў мэтах абароны суверэнітэту і незалежнасці. Таму работа ідэалагічнай вертыкалі, СМІ вельмі важна на гэтым этапе. Не раз гаварылася, што гарачая вайна пачынаецца з інфармацыйнай вайны, і мы атрымліваем так званую гібрыдную вайну. Таму работа ідэалагічнай вертыкалі на тэрыторыях, у калектывах - прадвызначальная ў развіцці сітуацыі. Не чакаючы сур'ёзных ваенных дзеянняў, перадумоў да гэтых дзеянняў, нам неабходна працаваць з насельніцтвам. Частка сённяшняй трэніроўкі таксама накіравана на гэтыя мэты", - сказаў на заканчэнне Ігар Луцкі.-0-

Падпісвайцеся на нас у
Twitter
Топ-навіны
Свежыя навіны Беларусі