ДЗЯРЖОРГАНЫДЗЯРЖОРГАНЫ
Флаг Субота, 26 лістапада 2022
Мінск -2°C
Усе навіны
Усе навіны
Грамадства
23 верасня 2022, 15:07

Луцкі: неабходна і за ЦТ, і за цэнтралізаваным экзаменам бачыць асобу

Фота з архіва
Фота з архіва

23 верасня, Ельск /Кар. БЕЛТА/. Неабходна і за ЦТ, і за цэнтралізаваным экзаменам бачыць асобу маладога чалавека. Акцэнт на гэтым зрабіў сёння намеснік кіраўніка Адміністрацыі Прэзідэнта Ігар Луцкі на сустрэчы з педагагічнай грамадскасцю Ельскага раёна, перадае карэспандэнт БЕЛТА.

На сустрэчы абмеркавалі актуальныя пытанні бліжэйшай выпускной і ўступнай кампаніі.

Ігар Луцкі адзначыў: сістэма ЦТ ужо стала для многіх прывычнай. З наступнага ж года мяркуецца правядзенне цэнтралізаванага экзамену. Цяпер ідуць гарачыя спрэчкі наконт новаўвядзенняў. "Але важна і за ЦТ, і за цэнтралізаваным экзаменам убачыць асобу", - упэўнены намеснік кіраўніка Адміністрацыі Прэзідэнта.

"Пытанняў шмат. Сістэма адукацыі - на шляху трансфармацыі, якая ў прынцыпе павінна адбывацца заўсёды", - дадаў ён.

Ігар Луцкі папрасіў педагогаў раёна агучыць іх пункты гледжання, наколькі дзеючая сістэма адпавядае сучасным патрабаванням, якая сістэма прыёму ў ВНУ будзе больш справядлівай і дасць магчымасць розным дзецям рэалізаваць сябе ў жыцці.

Начальнік аддзела адукацыі райвыканкама Вольга Сіўчук расказала, што змяненні выпускной і ўступнай кампаній ужо абмяркоўваліся ў раёне. Яна звярнула ўвагу, што пэўныя перажыванні ёсць і ў бацькоў, і ў вучняў па выпускной кампаніі, калі пасля завяршэння навучання прапануецца цэнтралізаваны экзамен па матэматыцы і рускай або беларускай мове на выбар.

Прагучала прапанова праводзіць цэнтралізаваны экзамен толькі па мовах - такі сертыфікат неабходны для паступлення ва ўсе ВНУ, а вось матэматыка для паступлення спатрэбіцца не ўсім.

Дырэктар адной са школ раёна сказала, што мінулыя гады ў школе дзяцей слухалі на экзаменах па многіх прадметах. Аднак цяперашнім старшакласнікам, якія не рыхтаваліся да вуснага іспыту, зрабіць гэта будзе вельмі цяжка. "Дзяцей трэба вучыць здаваць экзамены, вучыць гаварыць на экзамене", - упэўнена яна.

Абмеркавалі на сустрэчы і іншыя аспекты, у тым ліку адносна навучэнцаў устаноў прафесійна-тэхнічнай адукацыі.

Сёння ў Ельскім раёне Ігар Луцкі наведвае і раённую цэнтральную бібліятэку, дзе прымае ўдзел у дыялогавай пляцоўцы "Патрыятызм моладзі - фундамент будучыні краіны", таксама ў праграме - азнаямленне з работай сярэдняй школы нумар 2 Ельска, яе патрыятычнага класа, этнаграфічнага музея.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі