Сцяг Серада, 17 красавіка 2024
Усе навіны
Усе навіны
Грамадства
27 лютага 2024, 15:17

Качанава аб выкананні мэтавых паказчыкаў у Мінску: зроблена шмат, тэмпы збаўляць нельга

Наталля Качанава
Наталля Качанава
27 лютага, Мінск /Кар. БЕЛТА/. У Мінску ў 2023 годзе зроблена шмат для выканання мэтавых паказчыкаў сацыяльна-эканамічнага развіцця. Тэмпы ў 2024 годзе нельга збаўляць. Аб гэтым на пасяджэнні Мінгарвыканкама, дзе разглядаліся вынікі сацыяльна-эканамічнага развіцця Мінска за 2023 год і задачы на 2024 год, заявіла старшыня Савета Рэспублікі, упаўнаважаны прадстаўнік кіраўніка дзяржавы ў Мінску Наталля Качанава, перадае карэспандэнт БЕЛТА.

Наталля Качанава адзначыла, што ў Мінску зроблена шмат, хоць не ўсе даведзеныя заданні выкананы ў поўным аб'ёме. "Павінны добра разумець: ніхто ні за кога працаваць не будзе. Трэба ўносіць змяненні ў заканадаўства - значыць, трэба гэта рабіць хутка, - сказала спікер. - Пачалі год нядрэнна. Гэтыя тэмпы трэба не збаўляць. Калі сёння кожны не будзе думаць аб тым, што выканаць даведзеныя заданні - яго жалезабетонная задача, нічога не атрымаецца".

У прыватнасці, на пасяджэнні размова ішла аб мерапрыемствах па лічбавізацыі. На гэтыя мэты ў інавацыйным фондзе Мінгарвыканкама штогод рэзервуюцца сродкі, але яны не асвойваюцца. Наталля Качанава даручыла профільнаму міністэрству падключыцца, прааналізаваць сітуацыю.

"Прэзідэнт дакладна сказаў: кожнаму кіраўніку дадзім ацэнку па выніках. Выкананы задачы - працуй, не выкананы - уступі месца таму, хто можа вырашаць гэтыя пытанні", - адзначыла спікер.

Асобна Наталля Качанава спынілася на такой важнай тэме, як своечасовая выплата зарплаты. "Заработная плата, эфектыўная работа прадпрыемстваў - ключавое пытанне кіраўнікоў рэспубліканскіх і мясцовых органаў улады. Горад уключыўся, і вынікі нядрэнныя", - дадала спікер.

Наталля Качанава падкрэсліла: сітуацыя на ўсіх прадпрыемствах незалежна ад формы ўласнасці павінна быць на кантролі.

Таксама старшыня Савета Рэспублікі звярнула ўвагу на неабходнасць развіваць гарады-спадарожнікі. Нельга ўсё насельніцтва сцягваць у сталіцу краіны. Моцныя рэгіёны - прыярытэт.

На пасяджэнні Мінгарвыканкама таксама абмеркавалі работу будаўнічага комплексу, транспартнай галіны, добраўпарадкаванне, рэкламнае афармленне горада, меры, што прымаюцца па павышэнні эфектыўнасці дзейнасці асобных прадпрыемстваў і арганізацый.-0-
 
Фота Сяргея Шэлега
Падпісвайцеся на нас у
Twitter
Топ-навіны
Свежыя навіны Беларусі