Сцяг Нядзеля, 19 мая 2024
Усе навіны
Усе навіны
Грамадства
30 студзеня 2023, 11:13

Гусакоў аб выстаўцы "Беларусь інтэлектуальная": грамадства павінна ведаць, чым жыве навука і якія вынікі

30 студзеня, Мінск /Кар. БЕЛТА/. Грамадства павінна ведаць, чым жыве навука і якія вынікі. Аб гэтым заявіў старшыня Прэзідыума НАН Беларусі Уладзімір Гусакоў, перадае карэспандэнт БЕЛТА.

Напярэдадні Дня беларускай навукі па даручэнні кіраўніка дзяржавы ў Мінску была арганізавана маштабная выстаўка "Беларусь інтэлектуальная". Там былі прадэманстраваны найноўшыя распрацоўкі і дасягненні Нацыянальнай акадэміі навук Беларусі, арганізацый іншых ведамстваў, у тым ліку міністэрстваў адукацыі, аховы здароўя, прамысловасці, Дзяржаўнага камітэта па навуцы і тэхналогіях. Выстаўка выклікала вялікую цікавасць у наведвальнікаў.

"Нам удалося паказаць найбольш яркія і значныя вынікі навукі за апошні перыяд. Рэзультатыўнасць відавочная. Выстаўка атрымала шырокі рэзананс, высокія ацэнкі, таму што яна была прадоўжана на тыдзень. Цяпер яна перамесціцца ў рэгіёны. Нам ёсць што паказваць, ёсць чым ганарыцца. Мы пастаянна павінны прадстаўляць нашы распрацоўкі шырокай грамадскасці. Грамадству трэба ведаць, чым жыве навука, што робяць вучоныя, якія вынікі", - падкрэсліў Уладзімір Гусакоў.

Як адзначыў старшыня Прэзідыума НАН, пры распрацоўцы канцэпцыі выстаўкі "Беларусь інтэлектуальная" імкнуліся ўключыць самыя розныя напрамкі. "Гэта і штучны інтэлект, і мікраэлектроніка, і ваенная навука, і навука ў прамысловасці, і біятэхналогіі, і аграрныя тэхналогіі, і медыцынская навука. Асаблівая ўвага - маладзёжным распрацоўкам", - сказаў ён.-0-

Падпісвайцеся на нас у
Twitter
Топ-навіны
Свежыя навіны Беларусі