Сцяг Субота, 20 красавіка 2024
Усе навіны
Усе навіны
Грамадства
26 лютага 2024, 14:48

Году якасці і 80-годдзю вызвалення Беларусі прысвечаны фестываль "Медыясфера-2024" у Гродне

Фота з архіва
Фота з архіва
26 лютага, Гродна /Кар. БЕЛТА/. Рэспубліканскі маладзёжны фестываль-конкурс "Медыясфера-2024" пройдзе ў Гродзенскім дзяржаўным універсітэце імя Янкі Купалы. Аб гэтым карэспандэнту БЕЛТА паведамілі ў ВНУ.

Фестываль, арганізатарам якога выступае ўніверсітэт, праходзіць пры падтрымцы Міністэрства адукацыі Рэспублікі Беларусь, галоўнага ўпраўлення ідэалагічнай работы і па справах моладзі Гродзенскага абласнога выканаўчага камітэта.

"Мэта нашага фестывалю - пошук і аб'яднанне людзей, якія творча думаюць, робяць першыя крокі ў фатаграфіі, друку, кіно- і відэамастацтве, праяўляюць інтарэс да развіцця новых медыя, - расказала загадчыца кафедры журналістыкі факультэта гісторыі, камунікацый і турызму ГрДУ Іна Мінчук. - Дэвіз фестывалю - "Медыясфера - прастора новых ідэй!".

Фестываль праводзіцца ў Год якасці і 80-годдзя вызвалення Беларусі ад фашысцкіх захопнікаў. Галоўныя тэмы фестывальных работ удзельнікаў - "Беларусь: год якасці - год майстэрства і творчасці" і "Подзвіг мы ваш не забудзем і не дапусцім бяды!".

Конкурс аб'яўлены ў пяці намінацыях: сярод друкаваных, электронных СМІ, на лепшыя фота-, інтэрнэт- і камунікацыйныя праекты.

Як расказала Іна Мінчук, у час фестывалю журналісты абласных і рэспубліканскіх СМІ правядуць для моладзі майстар-класы. Пашыраецца і геаграфія "Медыясферы". У гэтым годзе чакаюць удзельнікаў не толькі з усіх рэгіёнаў нашай краіны, але і з Расіі.

Аб'яўлены збор заявак, і першыя паступаюць ужо, адзначыла субяседніца. "За гады існавання ў нас склаўся пул пастаянных партнёраў, - дадала Іна Мінчук. - Гэта БДУ, Віцебскі, Брэсцкі ўніверсітэты, гродзенская гімназія нумар 10, Ваўкавыская гімназія нумар 2, Радунская СШ Воранаўскага раёна і многія іншыя. Штогод творчыя юнакі і дзяўчаты з гэтых устаноў адукацыі актыўна ўдзельнічаюць у конкурсе і дасягаюць высокіх вынікаў".

У мінулым годзе на "Медыясферу" паступіла больш за трыста заявак ад маладых людзей, якія мараць звязаць сваё жыццё з журналістыкай.-0-
Падпісвайцеся на нас у
Twitter
Топ-навіны
Свежыя навіны Беларусі