ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск Малавоблачна +26°C
Усе навіны
Усе навіны
Грамадства
01 ліпеня 2022, 19:49

Фізасобы, натарыусы і адвакаты змогуць атрымліваць даныя аб правапарушэннях у электронным фармаце

1 ліпеня, Мінск /Кар. БЕЛТА/. Дзве новыя электронныя паслугі Міністэрства ўнутраных спраў даступны на адзіным партале электронных паслуг (АПЭП), паведамілі БЕЛТА ў Нацыянальным цэнтры электронных паслуг.

Цяпер фізічныя асобы, а таксама натарыусы і адвакаты могуць атрымаць звесткі аб правапарушэннях, якія захоўваюцца ў адзіным дзяржаўным банку даных аб правапарушэннях.

Прадастаўленне такіх даных фізічным асобам ажыццяўляецца ў асабістым электронным кабінеце новай версіі АПЭП пасля праходжання імі працэдуры строгай аўтэнтыфікацыі (з выкарыстаннем электроннага лічбавага подпісу або ID-карткі) або нястрогай аўтэнтыфікацыі з выкарыстаннем лагіна і пароля. Гэта паслуга аказваецца для таго, каб фізічныя асобы маглі падаваць заявы для атрымання выпіскі з банка даных аб правапарушэннях у электроннай форме.

Калі была пройдзена строгая аўтэнтыфікацыя, то фізічная асоба можа заказаць выпіску ў пісьмовай або электроннай форме, а калі нястрогая - толькі ў пісьмовай. Спажывец можа атрымаць неабходную інфармацыю адносна сябе асабіста, а таксама адносна іншай асобы пры наяўнасці натарыяльна завераных дакументаў, вызначаных заканадаўствам. Паслуга аказваецца без атрымання згоды фiзiчнай асобы на прадастаўленне яе персанальных даных.

Такая паслуга прадугледжваецца таксама для натарыусаў і адвакатаў, але атрыманне даных з банка даступна пасля праходжання толькі строгай аўтэнтыфікацыі з выкарыстаннем ЭЛП або ID-карткі. З дапамогай гэтай паслугі спажывец можа фарміраваць запыт для атрымання выпіскі з банка даных аб правапарушэннях у электроннай форме. Натарыусу або адвакату пры ажыццяўленні запыту неабходна назваць свае персанальныя даныя, пасаду і статус. Паслуга аказваецца як без згоды фізічнай асобы на прадастаўленне яе персанальных даных у выпадках, прадугледжаных заканадаўствам, так і пры ўмове яе атрымання.

Кошт паслугі ў тэрмін да пятнаццаці дзён з дня падачы заявы складзе 0,5 базавай велічыні, а ў тэрмін да трох рабочых дзён (без уліку тэрмінаў на дастаўку такіх звестак) - 1 базавая велічыня.

Каб аплаціць паслугу з дапамогай АІС "Разлік", неабходна выбраць наступны шлях у дрэве каталогаў паслуг: АРІП - Электронны ўрад - Асабісты кабінет АПЭП - Паслугі са зборным плацяжом.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі