24 сакавіка, Мінск /Кар. БЕЛТА/. З панядзелка чарга легкавых аўто на ўезд у краіны ЕС павялічылася ў пяць разоў, фур - амаль у два разы. Аб гэтым БЕЛТА паведамілі ў Дзяржпагранкамітэце.
Найбольшая колькасць легкавушак адзначаецца перад пунктам пропуску "Цярэспаль" ("Брэст"). На працягу тыдня сумежны бок афармляў у сярэднім 30 працэнтаў аўто ад нормы.
Акрамя таго, затрымкі ў афармленні былі ў літоўскіх пунктах пропуску "Мядзінінкай" ("Каменны Лог"), "Шальчынінкай" ("Беняконі") і "Райгардас" ("Прывалка").
Па стане на 10.00 больш за ўсё транспарту чакае ўезду ў ЕС перад польскім пунктам пропуску "Кукурыкі" ("Казловічы"). За тыдзень сумежны бок прапусціў амаль 51 працэнт фур ад нормы.
Літоўскія кантрольныя службы на працягу тыдня прапускалі на сваю тэрыторыю ў сярэднім 45 працэнтаў фур.-0-
