30 верасня, Мінск /Кар. БЕЛТА/. У верасні найбольшая колькасць аўтамабіляў назіралася на ўезд у Польшчу. Аб гэтым БЕЛТА паведамілі ў Дзяржаўным пагранічным камітэце.
У Дзяржаўным пагранічным камітэце расказалі, што ў верасні найбольшая колькасць транспарту назіралася на ўезд у Польшчу. За месяц польскі пункт пропуску "Баброўнікі" (сумежны "Бераставіца") быў самым загружаным на шляху ў Еўрасаюз. Сярэднясутачная колькасць легкавых аўтамабіляў, якія чакалі запуску ў "Баброўнікі", склала каля 120 адзінак, грузавікоў - амаль 350. Асноўнай прычынай вялікай колькасці транспарту па-ранейшаму з'яўляецца невыкананне польскім бокам двухбаковых дамоўленасцей.
У ведамстве дадалі, што супрацоўнікі пункта пропуску "Баброўнікі" за суткі ў сярэднім афармлялі да 48 працэнтаў легкавых аўтамабіляў і 28 працэнтаў велікагрузаў ад нормы.-0-
