ДЗЯРЖОРГАНЫДЗЯРЖОРГАНЫ
Флаг Чацвер, 11 жніўня 2022
Мінск Ясна +22°C
Усе навіны
Усе навіны
Грамадства
05 ліпеня 2022, 18:17

Дэпутат: мірная Беларусь будзе развівацца далей дзякуючы моцнаму лідару з мужчынскім характарам

5 ліпеня, Мінск /Кар. БЕЛТА/. Мірная Беларусь будзе развівацца далей дзякуючы моцнаму лідару з мужчынскім характарам. Аб гэтым заявіла карэспандэнту БЕЛТА член Пастаяннай камісіі па заканадаўстве Палаты прадстаўнікоў Ірына Луканская.

"Я ўпэўнена, што наша мірная Беларусь будзе развівацца далей, дзякуючы моцнаму лідару з мужчынскім характарам, які дакладна абазначае пазіцыю ўсёй краіны: сваіх не здаём, братэрскі народ падтрымліваем. Сіла ў адзінстве - гэта абсалютная ісціна. І я не сумняваюся, што, калі свет убачыць, што мы адзіныя і моцныя, ён ні за што не падымецца супраць нас. Няхай яны нарошчваюць сваю армію, Еўрасаюз не пойдзе супраць моцнай Саюзнай дзяржавы. Я веру ў славянскі народ", - сказала Ірына Луканская.

Паводле яе слоў, беларускі народ з болем у сэрцы перажывае за ўкраінскі народ. "Як гаворыць Прэзідэнт, гэта трагедыя тое, што цяпер адбываецца ва Украіне. Мы не ваюем з украінскім народам, і Расія не ваюе з украінскім народам. Расія процістаіць нацызму і ў крайнім яго праяўленні - фашызму. Сапраўды, калі скончылася Вялікая Айчынная вайна, мы і падумаць не маглі, што калісьці нацызм асмеліцца падняць галаву. Мы нават не маглі ў гэта паверыць, - адзначыла дэпутат. - Я ўпэўнена, што разам з Расіяй і дружалюбным нам Кітаем мы не дадзім нацызму падняць галаву і чыніць свае страшныя справы. Мы захаваем мір, памяць, гісторыю нашай краіны і будзем развівацца далей".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі