26 мая, Мінск /Кар. БЕЛТА/. У Беларусі 26 мая праходзіць адзіны дзень бяспекі дарожнага руху. Аб гэтым БЕЛТА паведамілі ў галоўным упраўленні ДАІ МУС.
Напярэдадні летніх канікулаў дэвіз адзінага дня - "Дзіцячая траўма - дарослая бяспечнасць!". Мерапрыемства прысвечана прафілактыцы траўматызму непаўналетніх.
У гэтым годзе на дарогах Беларусі загінулі пяць дзяцей, яшчэ 115 былі траўміраваны. Увага вартавых дарог будзе сканцэнтравана на прафілактычнай рабоце з дзецьмі, бацькамі і аўтааматарамі. Вучням нагадаюць аб правілах бяспекі на дарозе, у тым ліку на нерэгулюемых пешаходных пераходах. Акрамя таго, дзецям раскажуць, якія правілы неабходна выконваць пры выкарыстанні веласіпедаў і сродкаў персанальнай мабільнасці. Вартавыя дарог таксама нагадаюць аб недапушчальнасці выкарыстання гаджэтаў каля дарогі, паколькі яны адцягваюць увагу ад абстаноўкі.
У сувязі з павелічэннем колькасці перавозак дзяцей да месцаў адпачынку і аздараўлення інспектары нагадаюць і пракантралююць правілы перавозкі непаўналетніх.-0-
