29 сакавіка, Мінск /Кар. БЕЛТА/. Аранжавы ўзровень небяспекі з-за галалёдзіцы аб'яўлены ў Беларусі на 30 сакавіка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У чацвер чакаецца пераменная воблачнасць, надвор'е будзе пераважна без ападкаў. Толькі ўначы па ўсходзе часам прагназуецца снег, удзень у крайніх паўночна-заходніх раёнах выпадуць невялікія ападкі (мокры снег, дождж). У начны і ранішні гадзіны ў многіх раёнах на дарогах галалёдзіца.
Вецер паўночна-заходні з пераходам на паўднёвы 4-9 м/с. Тэмпература паветра ўначы будзе вагацца ад мінус 2 да мінус 8 градусаў, а месцамі - да мінус 9-13 градусаў. Удзень будзе плюс 2-8 градусаў, а па захадзе - плюс 9-11 градусаў.-0-
