ДЗЯРЖОРГАНЫДЗЯРЖОРГАНЫ
Серада, 25 лістапада 2020
Мінск Суцэльная воблачнасць +4°C
Усе навіны
Усе навіны
Грамадства
28 кастрычніка 2020, 11:30

Андрэйчанка: спробы сарваць агульнанацыянальны дыялог не спыняюцца

Уладзімір Андрэйчанка. Фота з архіва
Уладзімір Андрэйчанка. Фота з архіва

28 кастрычніка, Мінск /Кар. БЕЛТА/. Спробы сарваць агульнанацыянальны дыялог не спыняюцца, заявіў старшыня Палаты прадстаўнікоў Уладзімір Андрэйчанка на пасяджэнні чацвёртай сесіі Палаты прадстаўнікоў Нацыянальнага сходу сёмага склікання, перадае карэспандэнт БЕЛТА.

"Задачы, якія нам трэба будзе вырашаць у бліжэйшы час, непасрэдна звязаны з падрыхтоўкай Усебеларускага народнага сходу, які прызначаны стаць платформай для абмеркавання пытанняў, што маюць лёсавызначальнае значэнне для будучыні Беларусі. Трэба сказаць, што да грамадскай дыскусіі, разгорнутай у рамках гэтай работы ва ўсіх рэгіёнах, сёння далучаецца ўсё больш беларусаў. У працэс уключаны прадстаўнікі практычна ўсіх слаёў грамадства, эксперты, буйныя грамадскія аб'яднанні, бізнес-саюзы. Разам з тым спробы сарваць пачаты агульнанацыянальны дыялог не спыняюцца. З падачы шэрага заходніх дзяржаў і некаторых безадказных замежных палітыкаў абстаноўка ў краіне бесперапынна нагнятаецца, гучаць заклікі да развалу эканомікі, а вулічныя акцыі набываюць усё больш радыкальны характар", - сказаў Уладзімір Андрэйчанка.

Паводле яго слоў, органы ўлады, дзяржаўныя служачыя і звычайныя людзі, для якіх лёс Беларусі не проста гук, зведваюць жорсткі псіхалагічны націск. "Галоўнай ахвярай маніпуляцый пры гэтым становіцца моладзь - студэнты, школьнікі, якіх ініцыятары масавых беспарадкаў проста цынічна выкарыстоўваюць для рэалізацыі сваіх палітычных амбіцый, - адзначыў спікер. - Вельмі важна, што ў гэтых умовах абсалютная большасць нашых грамадзян захоўвае спакой і здольнасць цвяроза ацэньваць сітуацыю. Дзякуючы іх узважанай, адказнай пазіцыі і дакладным дзеянням праваахоўнікаў інтэрнэт-правакатарам не ўдаецца пагрузіць краіну ў хаос і анархію. Гэта пацвярджаецца і стабільнай работай айчынных прадпрыемстваў, і асноўнымі вынікамі сацыяльна-эканамічнага развіцця Беларусі за 9 месяцаў".

Нягледзячы на цяжкасці, абумоўленыя сусветным крызісам і наступствамі пандэміі, нам удалося забяспечыць рост ВУП пасля яго прасядання ў першым паўгоддзі. "Больш таго, сёння назіраецца паступовае ажыўленне гаспадарчай дзейнасці. Захоўваецца рост у сельскай гаспадарцы і будаўніцтве. Пазітыўную дынаміку дэманструе прамысловая вытворчасць. Ёсць дадатнае сальда ў знешнім гандлі. Гэта, вядома, нядрэнны вынік. Але трэба разумець, што сёння на ўсіх, хто прымае рашэнні, уключаючы парламентарыяў, ляжыць каласальная адказнасць. Нам ні ў якім разе нельга ўпусціць кантроль над сацыяльна-эканамічнай сітуацыяй", - заявіў Уладзімір Андрэйчанка.

Спікер дадаў: "Трэба трымаць руку на пульсе і ведаць, чым жывуць працоўныя калектывы. Забастоўка правалілася, паколькі людзі добра разумеюць, што яе наступствы цяжка ўдараць перш за ўсё па іх саміх. І мы павінны іх падтрымаць словам і справай".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі