Сцяг Субота, 15 чэрвеня 2024
Усе навіны
Усе навіны
Грамадства
21 мая 2024, 13:37

Алгарытм уліку маёмасці Саюзнай дзяржавы плануюць стварыць у гэтым годзе

Фота з архіва
Фота з архіва
21 мая, Мінск /Кар. БЕЛТА/. У Мінску праходзіць семінар Парламенцкага сходу Саюза Беларусі і Расіі на тэму "Уласнасць Саюзнай дзяржавы: пытанні арганізацыі ўліку і кіравання", перадае карэспандэнт БЕЛТА.

У семінары прымаюць удзел дэпутаты Парламенцкага сходу, прадстаўнікі Пастаяннага камітэта Саюзнай дзяржавы, профільных міністэрстваў і ведамстваў, фінансавых, эканамічных і кантрольных органаў Беларусі і Расіі, навукова-даследчых і адукацыйных устаноў і арганізацый.

"У нас ёсць рашэнне Вышэйшага дзяржаўнага савета Саюзнай дзяржавы, якое прадпісвае нам у гэтым годзе стварыць алгарытм уліку маёмасці і да 1 снежня 2025 года правесці яе інвентарызацыю", - расказаў журналістам старшыня Камісіі Парламенцкага сходу па бюджэце, падатках і фінансавым рынку, член Камітэта Дзяржаўнай Думы па бюджэце і падатках Віктар Селіверстаў.

Парламентарый адзначыў, што цяпер у Расіі і Беларусі падыходы да ўліку маёмасці крыху адрозніваюцца.

"У нас каля 90 млрд рублёў патрачана на рэалізацыю праграм, праектаў і мерапрыемстваў. Але мерапрыемствы не ствараюць дабаўленую вартасць, а праекты і праграмы яе ствараюць, - падкрэсліў Віктар Селіверстаў. - Алгарытму па ўліку гэтай уласнасці таксама няма. І гэта (стварэнне алгарытму. - Заўвага БЕЛТА) вельмі важна, таму што атрыманую з праектаў уласнасць можам накіроўваць у даход Саюзнай дзяржавы, уключаць у бюджэт".

Паводле яго слоў, вельмі важна выпрацаваць адзіны падыход у Саюзнай дзяржаве, каб з 1 студзеня 2025 года ўвесь прыбытак ад рэалізацыі прадукцыі, што выраблена праграмамі і праектамі, накіроўвалася ў бюджэт Саюзнай дзяржавы.-0-
Падпісвайцеся на нас у
Twitter
Топ-навіны
Свежыя навіны Беларусі