ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск Малавоблачна +26°C
Усе навіны
Усе навіны
Грамадства
30 чэрвеня 2022, 15:24

Абноўлены акушэрска-гінекалагічны корпус адкрылі ў Петрыкаўскай райбальніцы

Іван Крупко
Іван Крупко

30 чэрвеня, Петрыкаў /Кар. БЕЛТА/. Акушэрска-гінекалагіны корпус Петрыкаўскай цэнтральнай райбальніцы адкрылі сёння пасля капітальнага рамонту з элементамі мадэрнізацыі, перадае карэспандэнт БЕЛТА.

У корпусе 40 ложкаў: 20 - у радзільным і 20 - у гінекалагічным аддзяленнях. Медыцынскае абсталяванне ў абноўленым раддоме самае сучаснае. Гэта і функцыянальны аперацыйны стол, стол для родадапамогі, апарат штучнай вентыляцыі лёгкіх, кувез для нованароджаных, наркозна-духальны апарат, электракардыёграфы і іншае. Пры капрамонце поўнасцю замянілі дах, зрабілі перапланіроўку памяшканняў з улікам новых патрабаванняў, камунікацыі, зманціравалі сістэму вентыляцыі з датчыкамі, якія аналізуюць тэмпературу і вільготнасць у памяшканні і кантралююць параметры. Арганізаваны дзве кіслародныя станцыі. Дапамогу ў абноўленым медыцынскім комплексе змогуць атрымліваць амаль 15 тыс. жанчын Петрыкаўскага раёна.

Паводле слоў старшыні Гомельскага аблвыканкама Іван Крупко, адкрыццё стала падарункам да Дня Незалежнасці і сведчыць аб добрых перспектывах развіцця Петрыкаўскага раёна. "Ён актыўна прырастае новымі жылымі мікрараёнамі, дзіцячымі ўстановамі, насельніцтвам. Пакуль насельніцтва расце за кошт супрацоўнікаў уведзенага ў строй горна-абагачальнага камбіната. А гэта пераважна маладыя сем'і, у якіх будуць з'яўляцца дзеці. І з'яўляцца яны будуць у гэтым цудоўным раддоме, які якасна адрэстаўрыраваны і напоўнены самым сучасным спецыялізаваным абсталяваннем. У многім дзякуючы спонсару - "Беларуськалію", які праявіў клопат і дапамог стварыць максімальна зручныя ўмовы для будучых маці і немаўлят", - падкрэсліў ён.

Губернатар выказаў словы ўдзячнасці генеральнаму дырэктару ААТ "Беларуськалій" Івану Галаватаму, калектыву за ўкладанне спонсарскіх сродкаў. "На гэты аб'ект патрачана Br11 млн, больш за Br9 млн - (сродкі. - Заўвага БЕЛТА) "Беларуськалія", - удакладніў ён.

Паводле слоў Івана Крупко, запланаваны да ўводу і іншыя сацыяльныя аб'екты, напрыклад, КТ у райбальніцы.

Для далейшага развіцця ўстановы і ўмацавання матэрыяльна-тэхнічнай базы акушэрска-гінекалагічнага корпуса губернатар уручыў Петрыкаўскай ЦРБ сертыфікат на Br785 тыс.

Словы віншавання адрасаваў калектыву бальніцы, жыхарам раёна міністр аховы здароўя Дзмітрый Піневіч: "Любая бальніца - гэта асяродак міласэрнасці. А радзільны дом - гэта асаблівы аб'ект, у якім заўсёды прысутнічае радасць. Мір, здароўе, нашы дзеці - самае асноўнае ў жыцці", - сказаў ён.

Пасля цырымоніі адкрыцця Іван Крупко і Дзмітрый Піневіч павіншавалі шчаслівую маці Вольгу, дачка Мілана якой стала першым народжаным дзіцем у абноўленым раддоме. "Няхай у вашай сям'і ўсё будзе добра. Здароўя вам. І прыязджайце ў раддом за брацікамі і сястрычкамі", - пажадаў губернатар.

Важнай падзеяй адкрыццё абноўленага корпуса лічыць жыхарка райцэнтра Кацярына Калуцкая. "Напрыклад, мы старэйшую дачку нараджалі ў Гомелі, малодшую - у Мазыры. Тата хоча яшчэ хлопчыка. І пасля сённяшняй падзей мы, можа, падумаем аб пашырэнні нашай сям'і. Дзякуй усім вялікі за такі падарунак гораду. Ён расце, развіваецца і, думаю, радзільны дом будзе запатрабаваны", - падзялілася жанчына.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі