ДЗЯРЖОРГАНЫДЗЯРЖОРГАНЫ
Флаг Панядзелак, 2 кастрычніка 2023
Мінск Ясна +15°C
Усе навіны
Усе навіны
Прэзідэнт
02 сакавіка 2023, 09:58

Завяршыўся дзяржаўны візіт Лукашэнкі ў Кітай

Аляксандр Лукашэнка
Аляксандр Лукашэнка

2 сакавіка, Пекін /Кар. БЕЛТА/. Завяршыўся дзяржаўны візіт Прэзідэнта Беларусі Аляксандра Лукашэнкі ў Кітай. Самалёт кіраўніка дзяржавы вылецеў з Пекіна, перадае карэспандэнт БЕЛТА.

Напярэдадні адбыліся афіцыйныя перагаворы кіраўніка беларускай дзяржавы са Старшынёй КНР і вышэйшымі службовымі асобамі Кітая. Абмеркаваны шырокі комплекс пытанняў далейшага развіцця супрацоўніцтва, напаўненне практычным зместам новага ўзроўню беларуска-кітайскіх адносін.

Аляксандр Лукашэнка і Сі Цзіньпін прынялі сумесную заяву аб далейшым развіцці ўзорных адносін усепагоднага і ўсебаковага стратэгічнага партнёрства Беларусі і КНР у новую эпоху.

Беларусь і Кітай у ходзе дзяржвізіту заключылі амаль чатыры дзясяткі пагадненняў і кантрактаў на $3,5 млрд.

"Падпісана 27 міжурадавых, міжведамасных і міжрэгіянальных пагадненняў, каля 8 камерцыйных кантрактаў у розных галінах - прамысловай і сельскагаспадарчай дзейнасці. І гэта яшчэ не ўсё. Таму што работа працягваецца. І мы разлічваем, што гэты пакет будзе павялічаны", - расказаў журналістам кіраўнік МЗС Беларусі Сяргей Алейнік раніцай 2 сакавіка ў Пекіне.

Дакументы датычацца развіцця супрацоўніцтва ў самых розных сферах, уключаючы інвестыцыі, сельскую гаспадарку, пастаўкі прадуктаў харчавання, ахову здароўя, будаўніцтва, прамысловасць, навукова-тэхнічнае супрацоўніцтва, спорт, турызм і медыя.

Акрамя таго, вялікі блок падпісаных дакументаў у рамках дзяржвізіту Аляксандра Лукашэнкі ў Кітай датычыцца міжрэгіянальнага супрацоўніцтва, фінансаў, банкаўскай сферы, інфармацыйнага забеспячэння гандлю і супрацоўніцтва па лініі арганізацыі Чырвонага Крыжа.

У апошні дзень візіту Аляксандр Лукашэнка правёў сустрэчы з кіраўніцтвам буйных кітайскіх карпарацый, на якіх абмяркоўваліся пытанні інвестыцый у розныя сферы і супрацоўніцтва ў аўтамабілебудаванні.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі