Сцяг Чацвер, 30 мая 2024
Усе навіны
Усе навіны
Прэзідэнт
15 сакавіка 2024, 13:13

"Важна тое, што мы ў выніку маем". Лукашэнка аб сваім рэнамэ дыктатара за кардонам

15 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка падкрэслівае важнасць дасягненняў у гісторыі суверэннай Беларусі, хоць за мяжой яго часта і называюць дыктатарам. Адпаведныя заявы ён зрабіў на сустрэчы, прымеркаванай да 30-годдзя Канстытуцыі Рэспублікі Беларусь, перадае карэспандэнт БЕЛТА.

"Мы самі стваралі сваю гісторыю. Свае законы таксама пісалі самі. Таму жывём трэць стагоддзя пад інфармацыйным, палітычным, эканамічным прэсам. Увесь гэты час за кардонам толькі лянівы не называў Лукашэнку дыктатарам і аўтарытарным Прэзідэнтам. Няхай называюць. Важна тое, што мы ў выніку маем: неразбазараныя народныя багацці, захаваны суверэнітэт, бяспеку і мір на роднай зямлі, рост дабрабыту нашых грамадзян. Мір, спакой і цішыню для людзей", - падкрэсліў беларускі лідар.

Аляксандр Лукашэнка заявіў: "Мы робім усё, што было абяцана 30 гадоў таму. І тое, што мы абяцалі, па вялікім рахунку выканана. Таму што ёсць з каго запатрабаваць, і каму адказаць. Мы канстытуцыйна замацавалі права кожнага на дастойны ўзровень жыцця. І гэта не дэкларацыі, а наша рэальная палітыка і рэальныя дасягненні".

Прэзідэнт прывёў канкрэтныя факты:

- За тры дзесяцігоддзі грашовыя даходы насельніцтва выраслі больш як у дзевяць разоў (у параўнанні з сярэдзінай 1990-х гг.), а заработная плата - у 12 разоў. "Вы памятаеце, якая гіперінфляцыя была ў нас пасля развалу Савецкага Саюза. Сёння яе ўзровень не перавышае 6 працэнтаў", - адзначыў кіраўнік дзяржавы.

- Расце забяспечанасць грамадзян жыллём: колькасць квадратных метраў у разліку на аднаго жыхара павялічылася ў 1,6 раза.

- У Беларусі адзін з самых нізкіх узроўняў беднасці насельніцтва. Прычым не толькі сярод краін СНД, але і сярод дзяржаў Еўрапейскага саюза. З пачатку 1990-х гг. у краіне ў 10 разоў зменшылі гэты паказчык, значна знізілі ўзровень беспрацоўя. "Сёння мы ўжо не гаворым пра беспрацоўе. Мы гаворым пра дэфіцыт рабочай сілы", - заўважыў кіраўнік дзяржавы.

- Беларусь адносіцца да краін з высокім узроўнем чалавечага развіцця. Беларусы прызнаны высокаінтэлектуальнай нацыяй. "Усё гэта даныя не нашы, а іх - нашых непрыяцеляў", - падкрэсліў беларускі лідар.
- Беларусь рацыянальна інвесціруе ў інавацыі і тэхналогіі будучага, тым самым павышаючы канкурэнтаздольнасць нацыянальнай эканомікі. У краіне пабудавалі Беларускую атамную электрастанцыю, паспяхова завяршылі першы этап будаўніцтва Беларускай нацыянальнай біятэхналагічнай карпарацыі. Асвоена і масава выпускаецца новая прадукцыя: легкавыя аўтамабілі, электробусы і электрапаязды, беспілотныя кар'ерныя самазвалы. Будуюцца і пастаянна ўводзяцца ў эксплуатацыю новыя лініі метро.

- Дзяржаўны доўг краіны не перавышае 32 працэнты ВУП. "Мы рацыянальныя ў фінансавых пытаннях, не дазваляем накопліваць і перакладваць свае даўгі на будучыя пакаленні. Наш дзяржаўны доўг не перавышае 32 працэнты ВУП. Не сакрэт, што ў шэрагу высокаразвітых краін гэты паказчык у разы вышэйшы", - падкрэсліў кіраўнік дзяржавы.

- У Беларусі таксама створаны сучасны высокапрадукцыйны аграрны сектар. "Увайшлі у топ-5 экспарцёраў малочных прадуктаў, знаходзімся ў ліку сусветных лідараў па вытворчасці мяса на душу насельніцтва. І ў цэлым экспартуем амаль 65 працэнтаў беларускай прамысловай прадукцыі. Калі б усё было дрэнна, то не куплялі б за мяжой", - сказаў Аляксандр Лукашэнка.

Прэзідэнт падкрэсліў, што такая дынаміка развіцця суверэннай Беларусі наўрад ці адпавядае планам і чаканням тых, хто называе краіну "недастаткова дэмакратычнай".

"Мы цяпер зразумелі, што такое дэмакратыя ў іх разуменні. Мы памятаем, што значыць быць "дэмакратычнай" краінай у вачах гэтага самага Захаду. Як у пачатку дзевяностых - быць слабымі, беднымі, зняважанымі. Потым бегаць, як некаторыя нашы суседзі, па плошчах і вуліцах, мяняючы ўладу як пальчаткі, жыць па адмашцы з Вашынгтона. Калі выбіраць паміж прыхільнасцю заходнееўрапейскіх палітыкаў і якасцю жыцця беларусаў, нашай нацыянальнай годнасцю і суверэнітэтам, то выбар відавочны", - рэзюмаваў кіраўнік дзяржавы.-0-
Падпісвайцеся на нас у
Twitter
Топ-навіны
Свежыя навіны Беларусі