ДЗЯРЖОРГАНЫДЗЯРЖОРГАНЫ
Флаг Чацвер, 6 кастрычніка 2022
Мінск 0°C
Усе навіны
Усе навіны
Прэзідэнт
07 ліпеня 2022, 14:13

"Упэўнены, што вы адданыя фундаментальным каштоўнасцям краіны". Лукашэнка звярнуўся да беларускіх адвакатаў

Фота з архіва
Фота з архіва

7 ліпеня, Мінск /Кар. БЕЛТА/. Кіраўнік дзяржавы Аляксандр Лукашэнка накіраваў зварот да адвакатаў і работнікаў сістэмы адвакатуры ў сувязі з правядзеннем I З'езда адвакатаў Беларусі. Аб гэтым БЕЛТА паведамілі ў прэс-службе беларускага лідара.

"Сімвалічна, што ў аб'яўлены Год гістарычнай памяці айчынная адвакатура адзначае свой 100-гадовы юбілей. Гэты важнейшы інстытут быў створаны ў далёкім 1922 годзе ў мэтах забеспячэння абароны прававых інтарэсаў дзяржавы і грамадства, правоў і свабод грамадзян, садзейнічання развіццю прававой культуры. Вашых папярэднікаў - савецкіх адвакатаў - заўсёды вызначалі адданасць Радзіме, юрыдычнай прафесіі, выключныя сумленнасць і прыстойнасць", - гаворыцца ў звароце.

Аляксандр Лукашэнка выказаў перакананне, што I З'езд адвакатаў Беларусі пройдзе пад знакам прыхільнасці да гэтых ідэалаў і фундаментальных каштоўнасцей краіны, а яго дэлегаты прадэманструюць пераемнасць прававых традыцый і гатоўнасць абараняць не толькі асобнага чалавека або арганізацыю, але і канстытуцыйны лад, законнасць і правапарадак.

"Жадаю ўдзельнікам з'езда і ўсім адвакатам моцнага здароўя, невычэрпнай энергіі, плённай працы і прафесійных дасягненняў", - падкрэсліў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі