ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +26°C
Усе навіны
Усе навіны
Прэзідэнт
23 снежня 2021, 12:37

У Беларусі ўстаноўлены тарыфы для насельніцтва ў сферы жыллёва-камунальнай гаспадаркі на 2022 год

Фота з архіва
Фота з архіва

23 снежня, Мінск /Кар. БЕЛТА/. Прэзідэнт Беларусі Аляксандр Лукашэнка 23 снежня падпісаў указ нумар 507 "Аб устанаўленні тарыфаў для насельніцтва ў сферы жыллёва-камунальнай гаспадаркі на 2022 год". Аб гэтым карэспандэнту БЕЛТА паведамілі ў прэс-службе беларускага лідара.

У выніку прымянення зацверджаных тарыфаў жыллёва-камунальныя плацяжы для насельніцтва, у разліку на тыпавую двухпакаёвую кватэру з трыма пражываючымі пры нарматыўным спажыванні імі паслуг, павысяцца ў межах $5.

Павышэнне тарыфаў будзе ажыццёўлена ў 2 этапы: з 1 студзеня - на жыллёва-камунальныя паслугі, за выключэннем ацяплення, на Br11,1 (у эквіваленце на $3,92); з 1 чэрвеня - на цеплавую і электрычную энергію, газ прыродны і звадкаваны на мэты ацяплення на Br3,04 (у эквіваленце на $1,08).

Ва ўмовах росту жыллёва-камунальных плацяжоў будзе прадоўжана работа па дзяржаўнай падтрымцы насельніцтва праз прадастаўленне безнаяўных жыллёвых субсідый. Такія субсідыі прадастаўляюцца грамадзянам і сем'ям пры ўмове, што штомесячная сума камунальных плацяжоў перасягае 20 працэнтаў іх сярэднямесячнага сукупнага даходу ў горадзе і 15 працэнтаў - у сельскай мясцовасці.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі