ДЗЯРЖОРГАНЫДЗЯРЖОРГАНЫ
Флаг Серада, 1 снежня 2021
Мінск -4°C
Усе навіны
Усе навіны
Прэзідэнт
21 кастрычніка 2021, 09:00

У Беларусі страцілі Прэзідэнта? Прэс-сакратар запэўніла, што Лукашэнка ў курсе ўсяго і чуе людзей

21 кастрычніка, Мінск /Кар. БЕЛТА. Прэс-сакратар кіраўніка беларускай дзяржавы Наталля Эйсмант у інтэрв'ю "Беларусь 1" расказала, што азначае тэзіс "страцілі Прэзідэнта", які стаў папулярным пасля праведзенай вялікай нарады ў Аляксандра Лукашэнкі наконт эпідсітуацыі, паведамляе БЕЛТА.

"Як мы ўсе ведаем, у нашай краіне прывыклі: усё і заўсёды каменціруе Прэзідэнт, Прэзідэнт у курсе, Прэзідэнт паглыблены. Мы ж з вамі добра разумеем, і, я ўпэўнена, разумее ўся грамадскасць, што кавідам у той няпростай сітуацыі, якая склалася цяпер, Прэзідэнт займаецца штодзённа і штогадзінна. Я ўпэўнена, што ўсе пра гэта ведалі. І тыя самыя людзі, якія яго "страцілі", - сказала Наталля Эйсмант. - Калі ёсць неабходнасць, калі ў нас першая хваля была, калі яшчэ кавід быў неапазнаным нечым, цяпер, калі мы назіраем уздым, - штодзённыя даклады міністра, фактычна штодзённа Прэзідэнт на сувязі з губернатарамі, кансультуецца з профільнымі спецыялістамі".

Прэс-сакратар канстатавала, што нейкі нядоўгі час Прэзідэнт нічога не гаварыў пра кавід і нейкія спадарожныя рэчы, а за гэты час паспелі адбыцца тыя ці іншыя рэчы. У тым ліку ўзнікла пытанне масачнага рэжыму, пайшлі размовы аб прымусовай вакцынацыі. "І людзі страцілі Прэзідэнта. І мы бачым, што грамадства пачало задаваць пытанне: "А дзе наш Прэзідэнт?" Урокі мінулага года мы вывучылі, і за інфармацыйнай прасторай, тым, што там адбываецца, сочым больш уважліва. Заўважаем і адзначаем тэндэнцыі, бачым звароты да кіраўніка дзяржавы. Зразумела, Прэзідэнту пра ўсё гэта дакладваецца", - расказала Наталля Эйсмант.

Яна звярнула ўвагу, што вялікая нарада 19 кастрычніка наконт эпідсітуацыі была своеасаблівай квінтэсенцыяй і адказамі на ўсе актуальныя вострыя пытанні, у тым ліку хвалюючыя грамадства.

"Мы ж з вамі добра разумеем. Прэзідэнт за адзін раз і публічна ўсімі тэмамі займацца не можа. Ёсць вялікі пласт самых розных пытанняў, што патрабуюць яго ўвагі. Ад эканомікі, у прыватнасці, нейкай абсалютна абсурднай санкцыйнай палітыкі, якая супраць нашай краіны вядзецца, да сацыялкі, каб зарплаты своечасова выплачваліся, узровень пенсій быў адпаведным. Вядома, Прэзідэнт гэтым займаецца кругласутачна. Але вось, нейкі час не пачулі пра кавід", - адзначыла Наталля Эйсмант.

"Гэтак у нас выбудавана сістэма. Мы гэта добра разумеем. Але каб людзі кожны дзень чулі адказы на пытанні ў публічнай прасторы, зразумела, гэта немагчыма. Але праведзеная нарада яшчэ раз паказала, што Прэзідэнт чуе людзей, і Прэзідэнт заўсёды адрэагуе, паглыбіцца, разбярэцца і расставіць усё па сваіх месцах", - рэзюмавала яна.

Як паведамлялася БЕЛТА, адкрываючы нараду, кіраўнік дзяржавы расказаў, што яму далажылі аб сітуацыі ў тым ліку на падставе маніторынгу інтэрнэт-рэсурсаў. "Пытанні ўжо: "А дзе наш Прэзідэнт?" Слухайце, я кожны дзень у тэлевізары даю справаздачу перад людзьмі, чым я займаюся. Я ж не магу кожны дзень з раніцы да вечара займацца лячэннем людзей. Для гэтага ў мяне ёсць цэлае міністэрства і тысячы-тысячы ў белых халатах. Не ў брудных, не ў чорных", - заўважыў Аляксандр Лукашэнка."-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі