ДЗЯРЖОРГАНЫДЗЯРЖОРГАНЫ
Флаг Панядзелак, 29 мая 2023
Мінск Пераменная воблачнасць +20°C
Усе навіны
Усе навіны
Прэзідэнт
10 сакавіка 2023, 11:26

Лукашэнка: Кітай для нас сёння - гэта пункт апоры ва ўсім велізарным Азіяцкім рэгіёне

Пекін. Фота з архіва
Пекін. Фота з архіва

10 сакавіка, Мінск /Кар. БЕЛТА/. Для Беларусі на рынку Кітая стаіць задача не толькі нарасціць таварны паток, але і ўзяць тэхналогіі, стварыць у сябе перадавыя вытворчасці. Аб гэтым Прэзідэнт Беларусі Аляксандр Лукашэнка заявіў на пасяджэнні Савета Міністраў, перадае карэспандэнт БЕЛТА.

Кіраўнік дзяржавы звярнуў увагу, што сярод краін далёкай дугі галоўным стратэгічным партнёрам Беларусі застаецца Кітай. "Кітай для нас сёння - гэта пункт апоры ва ўсім велізарным Азіяцкім рэгіёне", - заявіў Аляксандр Лукашэнка. - Гатоўнасць да супрацоўніцтва ў кітайцаў каласальная. Па выніках нядаўняга візіту ў Пекін заключаны амаль 40 кантрактаў больш як на $3,5 млрд. Цяпер трэба не прапусціць час з-за бясконцых прапрацовак і ўзгадненняў. Чытай - валакіты".

У цяперашняй вельмі дынамічнай геапалітычнай абстаноўцы Беларусі трэба дзейнічаць хутка, каб заняць свае нішы на рынках. "Мы павінны не толькі нарасціць таварны паток, але і ўзяць тэхналогіі, стварыць у сябе перадавыя вытворчасці. Трэба выжаць максімум і аднавіць актыўнасць кітайскіх бізнесменаў на нашай тэрыторыі, павялічыць у некалькі разоў кітайскія інвестыцыі. Цікавасць да Беларусі ў Паднябеснай велізарная", - падкрэсліў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі