ДЗЯРЖОРГАНЫДЗЯРЖОРГАНЫ
Чацвер, 22 красавіка 2021
Мінск Суцэльная воблачнасць +6°C
Усе навіны
Усе навіны
Прэзідэнт
02 сакавіка 2021, 18:38

Спрошчана рэгістрацыя асобных катэгорый зямельных участкаў

Фота з архіва
Фота з архіва

2 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка 2 сакавіка падпісаў указ нумар 76 "Аб афармленні правазасведчвальных дакументаў", паведамілі БЕЛТА ў прэс-службе кіраўніка дзяржавы.

Указ накіраваны на спрашчэнне працэдур рэгістрацыі зямельных участкаў, прадастаўленых дзяржаўным прадпрыемствам і арганізацыям для абслугоўвання аб'ектаў жыллёва-камунальнай гаспадаркі і шматкватэрных жылых дамоў, а таксама на зніжэнне кошту гэтых працэдур для названых арганізацый.

Дакумент прадугледжвае спрашчэнне рэгістрацыі зямельных участкаў, прадастаўленых для абслугоўвання эксплуатуемых капітальных пабудоў (будынкаў, збудаванняў), а таксама зямельных участкаў, якія выкарыстоўваюцца для абслугоўвання дзеючых месцаў пахавання. Спрашчаецца і парадак афармлення дакументаў на неад'емныя часткі шматкватэрных жылых дамоў (гаспадарчыя пабудовы, падвалы, цокальныя паверхі, прыбудовы), калі яны размешчаны за межамі зарэгістраванага зямельнага ўчастка.

Спрошчаны парадак будзе дзейнічаць да 1 студзеня 2023 года. На гэты ж тэрмін вызваляюцца ад падатку на дабаўленую вартасць работы па ўстанаўленні меж зямельных участкаў, якія прадастаўляюцца для абслугоўвання шматкватэрных жылых дамоў, і па тэхнічнай інвентарызацыі эксплуатуемых аб'ектаў нерухомай маёмасці.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі