ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск Малавоблачна +26°C
Усе навіны
Усе навіны
Прэзідэнт
03 ліпеня 2022, 07:00

"Сіла беларусаў у праўдзе, адзінстве і патрыятызме". Лукашэнка павіншаваў суайчыннікаў з Днём Незалежнасці

3 ліпеня, Мінск /Кар. БЕЛТА/. Кіраўнік дзяржавы Аляксандр Лукашэнка павіншаваў суайчыннікаў з Днём Незалежнасці Рэспублікі Беларусь. Аб гэтым БЕЛТА паведамілі ў прэс-службе Прэзідэнта.

"Тры дзесяцігоддзі беларусы паспяхова будуюць уласную суверэнную дзяржаву. Нас натхняюць прыклад гераічных продкаў, шматвяковая гісторыя, багатая культура і разуменне таго, што магчымасць свабодна распараджацца сваім лёсам - найвышэйшая каштоўнасць для любога народа", - гаворыцца ў віншаванні.

Аляксандр Лукашэнка падкрэсліў, што беларусы, адстойваючы нацыянальныя інтарэсы, развіваючы эканоміку і сацыяльную сферу, нават у самыя складаныя часы разлічвалі толькі на сябе, будавалі дабрабыт на стараннай працы, калектывізме і ўзаемадапамозе. "І сёння, калі на нашу краіну аказваецца беспрэцэдэнтны эканамічны і інфармацыйны націск, гэты цяжкі вопыт зноў запатрабаваны і актуальны. Ён дае нам упэўненасць, што мы справімся з усімі праблемамі, - канстатаваў кіраўнік дзяржавы. - Сіла беларусаў у праўдзе, адзінстве і патрыятызме. У нас ёсць родная краіна, якой мы ганарымся, ёсць армія, здольная даць жорсткі адпор любому агрэсару, і народ-пераможца, які помніць герояў і цэніць свабоду. Менавіта таму мы смела і спакойна глядзім у будучыню".

Прэзідэнт пажадаў усім моцнага здароўя, міру, шчасця і дабрабыту.

Віншаванне Прэзідэнта з Днём Незалежнасці Беларусі

Дарагія суайчыннікі!

Віншую вас з Днём Незалежнасці Рэспублікі Беларусь.

Тры дзесяцігоддзі беларусы паспяхова будуюць уласную суверэнную дзяржаву. Нас натхняюць прыклад гераічных продкаў, шматвяковая гісторыя, багатая культура і разуменне таго, што магчымасць свабодна распараджацца сваім лёсам - найвышэйшая каштоўнасць для любога народа.

Адстойваючы нацыянальныя інтарэсы, развіваючы эканоміку і сацыяльную сферу, нават у самыя складаныя часы мы разлічвалі толькі на сябе, будавалі дабрабыт на стараннай працы, калектывізме і ўзаемадапамозе. І сёння, калі на нашу краіну аказваецца беспрэцэдэнтны эканамічны і інфармацыйны націск, гэты цяжкі вопыт зноў запатрабаваны і актуальны. Ён дае нам упэўненасць, што мы справімся з усімі праблемамі.

Сіла беларусаў у праўдзе, адзінстве і патрыятызме. У нас ёсць родная краіна, якой мы ганарымся, ёсць армія, здольная даць жорсткі адпор любому агрэсару, і народ-пераможца, які помніць герояў і цэніць свабоду. Менавіта таму мы смела і спакойна глядзім у будучыню.

Жадаю ўсім моцнага здароўя, міру, шчасця і дабрабыту.

З Днём Незалежнасці!

Аляксандр Лукашэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі