Сцяг Нядзеля, 14 красавіка 2024
Усе навіны
Усе навіны
Прэзідэнт
05 студзеня 2024, 12:50

"Павінен быць унікальны, бездакорны тавар". Лукашэнка аб галоўным патрабаванні да саіскальнікаў на Знак якасці 

5 студзеня, Мінск /Кар. БЕЛТА/.Тавары, якія будуць прэтэндаваць на прысваенне ім Дзяржаўнага знака якасці, павінны быць бездакорнымі і канкурэнтаздольнымі на міжнародных рынках. Аб гэтым Прэзідэнт Беларусі Аляксандр Лукашэнка заявіў у час агляду экспазіцыі ў Палацы Незалежнасці, падрыхтаванай спецыяльна да нарады ў кіраўніка дзяржавы па ўдасканаленні якасці ў 2024-м, які ў Беларусі аб'яўлены Годам якасці, перадае карэспандэнт БЕЛТА.

На выстаўцы "Знак якасці: традыцыя мінулага і сучаснае" прадстаўлена прадукцыя лепшых прадпрыемстваў краіны, якія захавалі з часоў Савецкага Саюза высокую якасць. Тут сабрана самая розная прадукцыя айчынных брэндаў - ад харчовай галіны да машынабудавання. Узоры можна падзяліць на дзве катэгорыі - тое, што было ўдастоена Знака якасці СССР, а таксама вырабы, якія прэтэндуюць на сучасны Дзяржаўны знак якасці Рэспублікі Беларусь у 2024-м. Напрыклад, аднымі з першых у савецкі час знак якасці атрымалі машыны МАЗ і МТЗ - грузавы аўтамабіль МАЗ-53352 і трактар Belarus. Цяпер гэтыя прадпрыемствы таксама прапанавалі сваю прадукцыю для абазначэння знакам якасці сучаснай Беларусі. Сярод прэтэндэнтаў і рухавікі Мінскага маторнага завода, тэлевізары "Гарызонт", камбайны "Гомсельмаш", кандытарскія вырабы "Камунаркі", тканіны "Камволя".

Аляксандр Лукашэнка ўважліва агледзеў экспазіцыю, паразмаўляў з кіраўніцтвам урада і прадстаўленых на выстаўцы прадпрыемстваў. Адзначалася, што пералік прадукцыі, якая можа прэтэндаваць на Дзяржаўны знак якасці, абсалютна не закрыты, але спачатку і цяперашнім, і будучым прэтэндэнтам трэба будзе пацвердзіць, што іх прадукцыя сапраўды дастойная такой ацэнкі. Гэта патрабаванне кіраўнік дзяржавы неаднаразова падкрэсліваў. "БЕЛАЗы, МТЗ,МАЗ і гэтак далей - яны не могуць не мець знака якасці на нейкі свой тавар. Але гэты тавар павінен быць унікальным, ён павінен быць канкурэнтаздольным на міжнародных рынках, - сказаў ён. - Бездакорная павінна быць тэхніка. Мы і правяраць будзем. Проста штампаваць вам знак якасці на кабіну, капот або на шкло не будзем, інакш мы зганьбім краіну".-0- 

Падпісвайцеся на нас у
Twitter
Топ-навіны
Свежыя навіны Беларусі