28 красавіка, Мінск /Кар. БЕЛТА/. Пашырана катэгорыя грамадзян, маючых патрэбу ў паляпшэнні жыллёвых умоў, якія могуць будаваць жыллё ў гарадах-спадарожніках Мінска. Адпаведны ўказ нумар 159 Прэзідэнт Беларусі Аляксандр Лукашэнка падпісаў 28 красавіка, паведамілі БЕЛТА ў прэс-службе кіраўніка дзяржавы.
Дакумент уносіць змяненні ва ўказ ад 17 снежня 2019 года нумар 466 "Аб будаўніцтве жылых дамоў у гарадах-спадарожніках г.Мінска". Так, разам з грамадзянамі, якія знаходзяцца на ўліку маючых патрэбу ў паляпшэнні жыллёвых умоў у раённых адміністрацыях Мінска, на ўмовах указа нумар 466 права будаўніцтва кватэр у гарадах-спадарожніках сталіцы прадастаўлена грамадзянам, якія знаходзяцца на такім уліку па месцы працы або службы ў дзяржаўных органах і арганізацыях Мінска.
"Рэалізацыя норм указа будзе садзейнічаць паляпшэнню жыллёвых умоў чаргавікоў Мінска, а таксама далейшаму развіццю гарадоў-спадарожнікаў сталіцы", - адзначылі ў прэс-службе.-0-
