Сцяг Серада, 21 лютага 2024
Усе навіны
Усе навіны
Прэзідэнт
24 лютага 2023, 19:32

Ордэнам Маці ўзнагароджаны 206 жыхарак усіх абласцей Беларусі і Мінска

24 лютага, Мінск /Кар. БЕЛТА/. Прэзідэнт Беларусі Аляксандр Лукашэнка 24 лютага падпісаў указ нумар 56 аб узнагароджанні ордэнам Маці. Аб гэтым БЕЛТА паведамілі ў прэс-службе беларускага лідара.

За нараджэнне і выхаванне пяці і больш дзяцей узнагароды ўдастоены работніцы з розных сфер дзейнасці. У іх ліку прадстаўніцы прамысловых і аграпрамысловых прадпрыемстваў, будаўнічай галіны, банкаўскага сектара, арганізацый харчовай прамысловасці, транспартнай і падатковай сферы, жыллёва-камунальнай, дарожнай, лясной гаспадаркі, спажыўкааперацыі, гандлю і сувязі, устаноў адукацыі, аховы здароўя, культуры, Дзяржпагранкамітэта і Узброеных Сіл, індывідуальныя прадпрымальнікі і хатнія гаспадыні.

Сярод узнагароджаных - кантралёр 86-й пагранічнай групы вайсковай часці 2187 Дзяржаўнага пагранічнага камітэта Вольга Буднік, фельчар выязной брыгады станцыі хуткай медыцынскай дапамогі Брэста Алена Максімук, настаўнік сярэдняй школы нумар 2 Століна Таццяна Трапец, аператар машыннага даення ААТ "Усход-Чырына" Дубровенскага раёна Вольга Бугаева, машыніст цестамясільных машын Мазырскага хлебазавода Наталля Адасенка, вядучы юрысконсульт Гомельскага завода спецінструменту і тэхналагічнага абсталявання Настасся Панасенка, брыгадзір вытворчай брыгады сельскагаспадарчага прадпрыемства "Варанецкі" Вікторыя Пяцельчыц, інжынер па якасці дарожна-эксплуатацыйнага ўпраўлення нумар 64 "Мінскаўтадар-Цэнтра" Марына Канапацкая, тэхнік па ўліку тылу вайсковай часці 64608 Узброеных Сіл Алеся Долава, эканаміст Пріорбанка Аксана Яшонкава, кандытар вытворчага ўчастка службы харчавання гасцініцы "Мінск" Наталля Кавалеўская, вядучы бухгалтар аддзела бухгалтарскага ўліку і справаздачнасці жыллёвага рамонтна-эксплуатацыйнага аб'яднання Кастрычніцкага раёна Мінска Аксана Лазярко.

Усяго ордэнам Маці ўзнагароджаны 206 жыхарак усіх абласцей Беларусі і Мінска.-0-

Падпісвайцеся на нас у
Twitter
Топ-навіны
Свежыя навіны Беларусі