Сцяг Серада, 28 лютага 2024
Усе навіны
Усе навіны
Прэзідэнт
08 сакавіка 2023, 07:00

Аляксандр Лукашэнка павіншаваў беларусак з Днём жанчын

8 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчынніц з Днём жанчын. Аб гэтым БЕЛТА паведамілі ў прэс-службе беларускага лідара.

"Кожная з вас увасабляе сабой веліч мацярынства і ўтульнасць сямейнага ачага, міласэрнасць і клопат, беззапаветную адданасць роднай зямлі, велізарную духоўную сілу ў захаванні нашых шматвяковых традыцый, на якіх мы разам ствараем будучыню Беларусі, - гаворыцца ў віншаванні. - Вы ўмееце старанна працаваць, шчодра дорыце навакольным свае веды і вопыт, выхоўваеце падрастаючае пакаленне, прыгажосцю і любоўю натхняеце на добрыя справы і дапамагаеце нам, мужчынам, станавіцца лепшымі і мацнейшымі, каб быць дастойнымі абаронцамі народа і Айчыны".

Аляксандр Лукашэнка пажадаў жанчынам моцнага здароўя, шчасця і мірнага неба над галавой. "Няхай здзяйсняюцца самыя запаветныя мары, а ўсмешкі блізкіх людзей і яркія вясновыя кветкі напаўняюць сэрца радасцю і надзеяй", - дадаў кіраўнік дзяржавы.

Віншаванне Прэзідэнта Беларусі з Днём жанчын

Дарагія суайчынніцы!

Прыміце шчырыя віншаванні з цудоўным святам - Днём жанчын.

Кожная з вас увасабляе сабой веліч мацярынства і ўтульнасць сямейнага ачага, міласэрнасць і клопат, беззапаветную адданасць роднай зямлі, велізарную духоўную сілу ў захаванні нашых шматвяковых традыцый, на якіх мы разам ствараем будучыню Беларусі.

Вы ўмееце старанна працаваць, шчодра дорыце навакольным свае веды і вопыт, выхоўваеце падрастаючае пакаленне, прыгажосцю і любоўю натхняеце на добрыя справы і дапамагаеце нам, мужчынам, станавіцца лепшымі і мацнейшымі, каб быць дастойнымі абаронцамі народа і Айчыны.

Жадаю вам моцнага здароўя, шчасця і мірнага неба над галавой. Няхай здзяйсняюцца самыя запаветныя мары, а ўсмешкі блізкіх людзей і яркія вясновыя кветкі напаўняюць сэрца радасцю і надзеяй.

Аляксандр Лукашэнка.

8 сакавіка 2023 года.-0-

Падпісвайцеся на нас у
Twitter
Топ-навіны
Свежыя навіны Беларусі