24 мая, Масква /Кар. БЕЛТА/. Прэзідэнт Беларусі Аляксандр Лукашэнка ў сваім выступленні ў Маскве на ІІ Еўразійскім эканамічным форуме выказаўся на тэму экалагічнай бяспекі, перадае карэспандэнт БЕЛТА.
"Так званы зялёны парадак дня актыўна выкарыстоўваецца контрпартнёрамі на Захадзе ў якасці аднаго з інструментаў націску і стрымлівання эканамічнага развіцця нашых краін. Дзеючыя экалагічныя нормы Еўра-5, 6 і ўсе наступныя не маюць нічога агульнага з аховай навакольнага асяроддзя", - звярнуў увагу кіраўнік дзяржавы.
Паводле слоў Прэзідэнта, у адрозненне ад Еўрасаюза, прынятыя ва ўсіх краінах ЕАЭС нацыянальныя стратэгіі ўстойлівага ("зялёнага") развіцця нікога не абмяжоўваюць. Яны маюць на ўвазе перш за ўсё мадэрнізацыю эканомік, стварэнне высокатэхналагічных сумесных вытворчасцей, беражлівыя адносіны да рэсурсаў, правільнае абыходжанне з адходамі, павышэнне экалагічнай культуры насельніцтва і адказнасці бізнесу. "Вось менавіта ў такім напрамку, мы лічым, трэба рухацца", - упэўнены Аляксандр Лукашэнка.-0-
