ДЗЯРЖОРГАНЫДЗЯРЖОРГАНЫ
Флаг Нядзеля, 26 чэрвеня 2022
Мінск Ясна +27°C
Усе навіны
Усе навіны
Прэзідэнт
13 красавіка 2022, 16:52

Лукашэнка завяршыў рабочы візіт у Расію

Прэзідэнты Беларусі і Расіі Аляксандр Лукашэнка і Уладзімір Пуцін наведваюць касмадром Усходні ў Амурскай вобласці Расійскай Федэрацыі
Прэзідэнты Беларусі і Расіі Аляксандр Лукашэнка і Уладзімір Пуцін наведваюць касмадром Усходні ў Амурскай вобласці Расійскай Федэрацыі

13 красавіка, Уладзівасток /Кар. БЕЛТА/. Завяршыўся рабочы візіт Прэзідэнта Беларусі Аляксандра Лукашэнкі ў далёкаўсходнія рэгіёны Расіі. Самалёт кіраўніка дзяржавы вылецеў у Мінск з Уладзівастока, паведамляе БЕЛТА.

Губернатар Алег Кажамяка і дзяржсакратар Саюзнай дзяржавы Дзмітрый Мезенцаў праводзілі Аляксандра Лукашэнку ў аэрапорце.

Аляксандр Лукашэнка правёў сустрэчу і перагаворы з губернатарам Прыморскага края Алегам Кажамякам, наведаў разам з ім на востраве Рускім шэраг грамадска-культурных і адукацыйных аб'ектаў. Да развіцця інфраструктуры вострава і Уладзівастока ў цэлым будуць далучаны і беларускія будаўнікі.

На востраве Прэзідэнт у тым ліку наведаў Далёкаўсходні федэральны ўніверсітэт. Яму расказалі аб перадавых студэнцкіх тэхналагічных распрацоўках, прадставілі праекты ў сферы экалогіі.

Пабываў Аляксандр Лукашэнка ў Прыморскім акіянарыуме. Там жа ён адказаў на пытанні прадстаўнікоў беларускіх і расійскіх СМІ, разам з Алегам Кажамякам расказаў падрабязнасці супрацоўніцтва Беларусі з далёкаўсходнім рэгіёнам.

Напярэдадні, 12 красавіка ў Дзень касманаўтыкі, Аляксандр Лукашэнка разам з расійскім калегам Уладзімірам Пуціным у Амурскай вобласці наведаў касмадром Усходні, у развіцці якога ў хуткім будучым таксама змогуць удзельнічаць беларускія будаўнікі. Размова ішла і аб сумеснай рабоце вучоных дзвюх краін над рэалізацыяй праектаў у сферы космасу.

На тэрыторыі касмадрома прэзідэнты асобна правялі перагаворы, абмеркавалі шырокі комплекс пытанняў двухбаковага супрацоўніцтва - ад рэалізацыі праектаў у сферы космасу да гандлю, процідзеяння санкцыйнай палітыцы Захаду, цэнаўтварэння на вуглевадароды, ваеннай бяспекі. У ліку тэм была сітуацыя ў рэгіёне, падзеі ва Украіне.

Пасля завяршэння перагавораў прэзідэнты падрабязна праінфармавалі аб выніках прадстаўнікоў СМІ, адказалі на пытанні, якія цікавілі журналістаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі