ДЗЯРЖОРГАНЫДЗЯРЖОРГАНЫ
Пятніца, 5 чэрвеня 2020
Мінск Пераменная воблачнасць +20°C
Усе навіны
Усе навіны
Прэзідэнт
27 сакавіка 2020, 19:33

Лукашэнка зацвердзіў тэрміны правядзення "Славянскага базару ў Віцебску - 2020"

Фота з архіва
Фота з архіва

27 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў распаражэнне, якім зацвердзіў тэрміны правядзення XXIX Міжнароднага фестывалю мастацтваў "Славянскі базар у Віцебску". Аб гэтым БЕЛТА паведамілі ў прэс-службе кіраўніка дзяржавы.

Асноўныя мерапрыемствы фестывалю пройдуць з 16 па 20 ліпеня. Для пашырэння глядацкай аўдыторыі прадугледжаны бязвізавы парадак уезду ў Беларусь для ўдзельнікаў і гасцей з 73 дзяржаў. "Пропускам для бязвізавага перасячэння граніцы для замежных грамадзян будзе білет на мерапрыемствы фестывалю, праводзімыя ў Летнім амфітэатры або канцэртнай зале "Віцебск", - растлумачылі ў прэс-службе.

З улікам сталай практыкі дзяржаўнай падтрымкі фестывалю распараджэннем таксама прадугледжаны асобныя прэферэнцыі для яго арганізатараў і ўдзельнікаў.

Як паведамлялася, першы этап продажу білетаў на "Славянскі базар" стартаваў 21 лютага, другі - 21 сакавіка. Урачыстая цырымонія адкрыцця форуму адбудзецца ў Летнім амфітэатры 16 ліпеня, закрыцця - 20 ліпеня.

Папярэдне бюджэт фестывалю складзе Br6 млн 340 тыс. Чакаецца, што каля Br4 млн пакрыецца за кошт продажу білетаў, яшчэ частка сумы - дзякуючы рэкламадаўцам і спонсарам. Арганізатары разлічваюць, што акупнасць складзе 88-90 працэнтаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі