Фота з архіва
22 мая, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў 22 мая ўказ і распараджэнне, якімі зацверджаны абноўленыя персанальныя склады шэрага саветаў, камітэтаў і камісій. Зроблена гэта ў сувязі з кадравымі змяненнямі і правядзеннем іх планавай ратацыі, паведамілі БЕЛТА ў прэс-службе беларускага лідара.
У прыватнасці, унесены змяненні ў склады Геральдычнага савета, саветаў фондаў Прэзідэнта Рэспублікі Беларусь па падтрымцы культуры і мастацтва, адораных вучняў і студэнтаў, таленавітай моладзі, Нацыянальнай камісіі па правах дзіцяці, арганізацыйных камітэтаў па падрыхтоўцы і правядзенні розных фестываляў, дзяржаўнай камісіі па падрыхтоўцы падручнікаў у гуманітарна-грамадазнаўчай сферы.-0-
