Сцяг Чацвер, 20 чэрвеня 2024
Усе навіны
Усе навіны
Прэзідэнт
21 сакавіка 2023, 12:14

Лукашэнка запытаў сілавікоў, ці адышлі яны ад палачна-птушачнай сістэмы

21 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка пацікавіўся, ці змаглі праваахоўныя органы адысці ад палачна-птушачнай сістэмы. На гэта пытанне кіраўнік дзяржавы звярнуў увагу на нарадзе па пытаннях дзейнасці органаў сілавога блока, перадае карэспандэнт БЕЛТА.

"Наша грамадства жыве не ў вакууме і бачыць усё, што адбываецца. Існуе меркаванне, што супрацоўнікаў органаў унутраных спраў у першую чаргу цікавіць не лёс чалавека, а лічбы і рэйтынгі, якімі вымяраецца эфектыўнасць іх работы. Так, лічбы і рэйтынгі павінны быць, ніхто не супраць. Але калі мы жывём толькі дзеля лічбаў і рэйтынгаў... Хацелася б пачуць, ці так гэта, ці адышлі мы ад палачна-птушачнай сістэмы ацэнкі дзейнасці?" - сказаў Прэзідэнт.

Кіраўнік дзяржавы канстатаваў, што не ўсё зроблена ў сферы забеспячэння бяспекі насельніцтва. Застаецца значная колькасць людзей, якія загінулі на дарогах.

Насцярожваюць Аляксандра Лукашэнку і факты злачынстваў сярод ваеннаслужачых, у тым ліку ўчыненых афіцэрамі розных сілавых структур. "У чым прычына такіх з'яў?" - запытаў ён, адзначыўшы, што шмат разоў указваў міністру абароны на недапушчальнасць таго, што часам адбываецца ў воінскіх падраздзяленнях.

"У цэлым у нас не ўсё гладка наогул з воінскай дысцыплінай. Мы добра бачым і разумеем усё, што адбываецца на рубяжах нашай краіны. Пытанне - ці ў поўнай меры мы забяспечваем бяспеку нашай дзяржавы і грамадзян?" - паставіў пытанне беларускі лідар.

У цэлым ён запатрабаваў ад выступоўцаў аналізу прычын негатыўных момантаў і канкрэтных прапаноў па навядзенні парадку. "Якія праблемы ёсць у сілавых ведамствах і што трэба зрабіць для іх устаранення?" - пацікавіўся Аляксандр Лукашэнка.-0-

Падпісвайцеся на нас у
Twitter
Топ-навіны
Свежыя навіны Беларусі