Сцяг Нядзеля, 19 мая 2024
Усе навіны
Усе навіны
Прэзідэнт
20 лютага 2024, 13:39

Лукашэнка запатрабаваў навярстаць упушчанае ў дачыненні да беспілотнай авіяцыі

20 лютага, Мінск /Кар. БЕЛТА/. Прэзідэнт Беларусі Аляксандр Лукашэнка запатрабаваў навярстаць упушчанае ў дачыненні да беспілотнай авіяцыі. Аб гэтым кіраўнік дзяржавы заявіў 20 лютага на пашыранай нарадзе з кіруючым складам дзяржаўных органаў сістэмы забеспячэння нацыянальнай бяспекі, перадае карэспандэнт БЕЛТА.

Кіраўнік дзяржавы звярнуў увагу, што на сітуацыю ва Украіне трэба глядзець як на ўрок: "Украінскі сцэнарый, калі на руках у насельніцтва бескантрольна гуляе зброя, - гэты сцэнарый не для нас, ён недапушчальны. На сітуацыю ва Украіне мы ў прынцыпе павінны глядзець як на урок, пастаянна ўдасканальваючы падрыхтоўку артылерыстаў, метады вядзення контрбатарэйнай барацьбы, мадэрнізуючы сродкі радыёэлектроннай разведкі".

"І давайце адкрыта: у дачыненні да беспілотнай авіяцыі, дронаў-камікадзэ, маштабнага аснашчэння імі арміі, падрыхтоўкі аператараў дронаў мы ўжо адстаём. А зрабіць трэба было яшчэ ўчора. Таму неабходна навёрстваць упушчанае. І не толькі Мінабароны, але і МУС, Дзяржпагранкамітэту. Савету бяспекі трэба ўзяць гэта пытанне на кантроль і прадоўжыць праверкі якасці падрыхтоўкі асабовага складу сілавых ведамстваў у гэтым годзе", - паставіў задачу Прэзідэнт.-0-
Падпісвайцеся на нас у
Twitter
Топ-навіны
Свежыя навіны Беларусі