25 мая, Масква /Кар. БЕЛТА/. Прэзідэнт Беларусі Аляксандр Лукашэнка запэўніў, што бяспека граніц забяспечваецца належным чынам. Аб гэтым ён заявіў, адказваючы ў Маскве на пытанні журналістаў, перадае карэспандэнт БЕЛТА.
Кіраўніка дзяржавы спыталі наконт магчымых правакацый з польскай тэрыторыі і ці знаходзіцца граніца Беларусі і Саюзнай дзяржавы на замку ў гэтым напрамку. "За гэта вы можаце нават не перажываць. Слухайце, калі дыверсантам трэба пранікнуць на вашу, нашу тэрыторыю, сёння шмат магчымасцей зрабіць гэта незаўважна. Я маю на ўвазе, як прафесіянал вам скажу, не выкарыстоўваючы зялёную граніцу. Таму з дыверсантамі гэта толькі бытавыя разважанні ў гэтым выпадку - што яны пранікнуць, калі не на замку граніца", - сказаў Аляксандр Лукашэнка.
"Дыверсанты пранікаюць па іншых сцяжынах. Дыверсантаў, якіх мы затрымалі ў Беларусі, - ніводны цераз нашу граніцу не пранік. Таму наконт замка не хвалюйцеся", - дадаў беларускі лідар.-0-
