ДЗЯРЖОРГАНЫДЗЯРЖОРГАНЫ
Флаг Чацвер, 26 мая 2022
Мінск +11°C
Усе навіны
Усе навіны
Прэзідэнт
10 студзеня 2022, 13:13

Лукашэнка выступіў за рэвізію ў АДКБ сумесных мер па процідзеянні тэрарызму і экстрэмізму

10 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка выступіў за рэвізію ў АДКБ сумесных мер па процідзеянні тэрарызму і экстрэмізму. Аб гэтым ён заявіў на пазачарговай сесіі Савета калектыўнай бяспекі АДКБ, перадае карэспандэнт БЕЛТА.

"Рост напружанасці нас таксама падштурхоўвае да рэвізіі сумесных мер па процідзеянні тэрарызму і экстрэмізму, - заявіў беларускі лідар. - Мы шмат увагі ўдзялялі барацьбе з міжнародным тэрарызмам, магчыма, недаацэньваючы небяспеку, якую нясе экстрэмізм ва ўсіх яго праявах".

Аляксандр Лукашэнка таксама лічыць неабходным своечасова выкрываць сілы, якія ў пэўных умовах здольны пераходзіць чырвоную лінію, становячыся на шляхі насілля, а таксама строга спыняць іх дэструктыўную дзейнасць.

Прэзідэнт адзначыў, што цяпер ёсць добрая падстава ў нейкі час сабрацца і пагаварыць аб Таджыкістане. "Прэзідэнт Таджыкістана нас гадамі ўжо просіць аб аказанні матэрыяльнай падтрымкі, перш за ўсё ваеннай тэхнікай. І нам трэба гэта зрабіць. Каб потым нам гэта не абышлося даражэй, як з Казахстанам, - сказаў кіраўнік дзяржавы. - Амаль 200 рэйсаў самалётаў, мы перакідвалі вялізную тэхніку. Добра, што Расія на гэта пагадзілася. Не хацелася б, каб гэта было ў Таджыкістане. Лепш яму дапамагчы цяпер. Ён там справіцца з гэтымі праблемамі. Гэта датычыцца і іншых рэспублік. Высновы трэба рабіць".

"Што датычыцца Беларусі, вы заўсёды можаце разлічваць не толькі на ўзаемаразуменне, асобныя заявы і падтрымку. Мы заўсёды будзем адданыя тым дамоўленасцям, якія намі дасягнуты", - падкрэсліў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі