ДЗЯРЖОРГАНЫДЗЯРЖОРГАНЫ
Флаг Субота, 26 лістапада 2022
Мінск -4°C
Усе навіны
Усе навіны
Прэзідэнт
23 верасня 2022, 12:53

Лукашэнка: ваяваць будзем толькі тады, калі давядзецца абараняць свой дом, сваю зямлю

23 верасня, Лагойскі раён /Кар. БЕЛТА/. Ваяваць Беларусь будзе толькі тады, калі давядзецца абараняць свой дом, сваю зямлю. Аб гэтым Прэзідэнт Беларусі Аляксандр Лукашэнка заявіў у час размовы з журналістамі, перадае карэспандэнт БЕЛТА.

Кіраўнік дзяржавы яшчэ раз запэўніў, што ніякай мабілізацыі ў Беларусі праводзіць не збіраюцца, як і ўвязвацца ў вайну. "Ваяваць будзем толькі тады, калі давядзецца абараняць свой дом, сваю зямлю", - падкрэсліў ён.

Раней на сустрэчы з журналістамі Аляксандр Лукашэнка канстатаваў, што апаненты спрабуюць за нешта ўчапіцца і цяпер у тым ліку спрабуюць перакінуць мосцік і развіваюць тэзіс, што і ў Беларусі магчыма мабілізацыя па аналогіі з Расіяй. "Не будзе ніякай мабілізацыі. Мы не збіраемся мабілізоўваць. Гэта хлусня", - сказаў Аляксандр Лукашэнка.

Разам з тым Прэзідэнт падкрэсліў, што ў Беларусі будуць абавязкова рэагаваць на магчымыя пагрозы, спробы ўчынення актаў тэрарызму. Для гэтага на рэгулярнай аснове праводзяцца розныя вучэнні, у тым ліку з удзелам народнага апалчэння, каб людзі ведалі свае абавязкі і мелі неабходныя ваенныя навыкі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі