ДЗЯРЖОРГАНЫДЗЯРЖОРГАНЫ
Флаг Чацвер, 11 жніўня 2022
Мінск Ясна +22°C
Усе навіны
Усе навіны
Прэзідэнт
02 ліпеня 2022, 19:55

Лукашэнка: успаміны пра вайну былі нашай ціхай сумнай памяццю, а цяпер стануць набатам!

2 ліпеня, Мінск /Кар. БЕЛТА/. На беларускай зямлі будуць узводзіць новыя мемарыялы, аднаўляць гісторыю кожнага воіна і кожнай бязвіннай мірнай ахвяры Вялікай Айчыннай вайны. Аб гэтым Прэзідэнт Беларусі Аляксандр Лукашэнка заявіў 2 ліпеня на ўрачыстым сходзе з нагоды Дня Незалежнасці, перадае карэспандэнт БЕЛТА.

"Пакуль у краінах, якія Савецкая армія вызваляла ад фашызму, разбураюць магілы нашых дзядоў і прадзедаў, тут, на беларускай зямлі, мы будзем будаваць новую Беларусь, падымаць архівы і аднаўляць гісторыю кожнага воіна, кожнай бязвіннай мірнай ахвяры. Гэта вельмі балючыя для нас успаміны. Да гэтага часу яны былі нашай ціхай сумнай памяццю. Цяпер стануць набатам", - сказаў Аляксандр Лукашэнка.

Прэзідэнт падкрэсліў, што Беларусь, хочуць на Захадзе ці не, будзе дэманстраваць свету праўду аб усіх зверствах, якія чынілі нацысты. "Ім давядзецца зноў слухаць і чуць пра забітых, у тым ліку не паспеўшых нарадзіцца, дзяцей, пра жанчын, прыціскаючых да сэрца грудных немаўлят, пра малых, якіх, як паказвае экспертыза, закопвалі ў зямлю жывымі. Мы пакажам нашчадкам і прыхільнікам нацыстаў факты злачынстваў іх продкаў, каб увесь свет зразумеў, што будзе з гэтым светам, калі сучасны нацызм перарасце ў фашызм. Як вы разумееце, не толькі нашы ўспаміны. Гэта зноў абарона Еўропы ад гэтага фашызму, у агні якога толькі ў мінулай вайне згарэла каля 70 мільёнаў жыхароў планеты, калі не больш", - заявіў кіраўнік дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі