Сцяг Нядзеля, 14 красавіка 2024
Усе навіны
Усе навіны
Прэзідэнт
18 студзеня 2024, 12:00

Лукашэнка: усе заканадаўчыя новаўвядзенні павінны стымуляваць рост беларускай эканомікі 

8 студзеня, Мінск /Кар. БЕЛТА/. Усе заканадаўчыя новаўвядзенні павінны стымуляваць рост беларускай эканомікі. Аб гэтым Прэзідэнт Беларусі Аляксандр Лукашэнка заявіў на нарадзе з кіраўніцтвам Савета Міністраў, перадае карэспандэнт БЕЛТА.

"Урад інфармуе, што змяненні неабходны ў мэтах гарманізацыі заканадаўства Беларусі і Расіі, гэта значыць у рамках выканання саюзнай праграмы. Але ў працэсе ўніфікацыі нельга ўшчамляць інтарэсы дзяржавы", - падкрэсліў Аляксандр Лукашэнка.

У сувязі з гэтым Прэзідэнт нагадаў, што, калі прымалася рашэнне аб уніфікацыі заканадаўства дзвюх краін, у тым ліку ў мытнай сферы, гучалі прапановы "ледзь ці не стварыць адно міністэрства або мытны камітэт". "Мы катэгарычна ад гэтага адмовіліся і дамовіліся, на Вышэйшым дзяржсавеце (Саюзнай дзяржавы. - Заўвага БЕЛТА) у тым ліку, што мы створым адзіную групу, якая будзе ўносіць рэкамендацыі, бачыць, як ажыццяўляецца мытны кантроль і гэтак далей, не пазбаўляючы дзяржавы гэтых паўнамоцтваў і функцый. Гэта сведчыць аб тым, што мы, Расія і Беларусь, суверэнныя, незалежныя дзяржавы. І з гэтага трэба зыходзіць, прымаючы тыя ці іншыя рашэнні", - сказаў Аляксандр Лукашэнка.

"Усе новаўвядзенні павінны стымуляваць рост беларускай эканомікі, выводзіць яе на якасна новы ўзровень. Гэта важнейшая задача для ўсіх дзяржаўных інстытутаў, і мытня не з'яўляецца выключэннем", - звярнуў увагу кіраўнік дзяржавы.

Па гэтай тэматыцы Прэзідэнт адрасаваў ураду шэраг актуальных пытанняў: ці сапраўды змяненні адпавядаюць патрабаванням часу, як улічваюцца запыты беларускай эканомікі, як новаўвядзенні паўплываюць на работу Мытнага камітэта Беларусі? "Ці ўсе ініцыятывы ўлічаны і ці не ўпусцілі мы чаго-небудзь важнага?" - удакладніў Аляксандр Лукашэнка.-0- 

Падпісвайцеся на нас у
Twitter
Топ-навіны
Свежыя навіны Беларусі