Сцяг Аўторак, 28 мая 2024
Усе навіны
Усе навіны
Прэзідэнт
15 лютага 2024, 09:00

Лукашэнка: у Беларусі захоўваюць памяць аб ветэранах Афганістана, якія сталі перашкодай міжнароднаму тэрарызму

Фота з архіва
Фота з архіва
15 лютага, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў зварот да воінаў-інтэрнацыяналістаў, ветэранаў вайны ў Афганістане. Аб гэтым БЕЛТА паведамілі ў прэс-службе кіраўніка дзяржавы.
 
У Беларусі 15 лютага адзначаецца Дзень памяці воінаў-інтэрнацыяналістаў. "З дня вываду войскаў Савецкай арміі з Дэмакратычнай Рэспублікі Афганістан прайшло 35 гадоў, але сэрцы беларусаў захоўваюць памяць аб суайчынніках, якія сталі непахіснай перашкодай міжнароднаму тэрарызму, - гаворыцца ў звароце. - Праяўляючы мужнасць і стойкасць, вы абаранялі паўднёвыя рубяжы сваёй краіны, змагаліся за дастойную будучыню афганскага народа".
 
Кіраўнік дзяржавы адзначыў, што ў Беларусі падзяляюць горыч страт сем'яў загінулых салдат і афіцэраў, схіляюць галовы перад маці, якія выгадавалі сапраўдных патрыётаў.
 
"Вярнуўшыся з вайны, вы прадоўжылі служэнне Айчыне: прывіваеце маладому пакаленню любоў і павагу да Радзімы, стаіце на варце асноў дзяржаўнага ладу, працуеце на карысць грамадства. Прайшоўшы праз няпростыя выпрабаванні, застаяцеся надзейным шчытом, які аберагае родную Беларусь ад сучасных пагроз", - падкрэсліў Аляксандр Лукашэнка.
 
Прэзідэнт пажадаў воінам-інтэрнацыяналістам, ветэранам вайны ў Афганістане сілы духу і добрага здароўя, а іх блізкім - міру і дабрабыту.

Зварот Прэзідэнта Беларусі з нагоды Дня памяці воінаў-інтэрнацыяналістаў

Прэзідэнт Беларусі Аляксандр Лукашэнка накіраваў зварот да воінаў-інтэрнацыяналістаў, ветэранаў вайны ў Афганістане:

Паважаныя таварышы!

15 лютага Беларусь адзначае Дзень памяці воінаў-інтэрнацыяналістаў.

З дня вываду войскаў Савецкай арміі з Дэмакратычнай Рэспублікі Афганістан прайшло 35 гадоў, але сэрцы беларусаў захоўваюць памяць аб суайчынніках, якія сталі непахіснай перашкодай міжнароднаму тэрарызму.

Праяўляючы мужнасць і стойкасць, вы абаранялі паўднёвыя рубяжы сваёй краіны, змагаліся за дастойную будучыню афганскага народа.
 
Мы падзяляем горыч страт сем'яў загінулых салдат і афіцэраў, схіляем галовы перад маці, якія выгадавалі сапраўдных патрыётаў.
 
Вярнуўшыся з вайны, вы прадоўжылі служэнне Айчыне: прывіваеце маладому пакаленню любоў і павагу да Радзімы, стаіце на варце асноў дзяржаўнага ладу, працуеце на карысць грамадства.

Прайшоўшы праз няпростыя выпрабаванні, застаяцеся надзейным шчытом, які аберагае родную Беларусь ад сучасных пагроз.
 
Жадаю вам сілы духу і добрага здароўя, а вашым блізкім - міру і дабрабыту.-0-
Падпісвайцеся на нас у
Twitter
Топ-навіны
Свежыя навіны Беларусі