ДЗЯРЖОРГАНЫДЗЯРЖОРГАНЫ
Флаг Серада, 19 студзеня 2022
Мінск Суцэльная воблачнасць -4°C
Усе навіны
Усе навіны
Прэзідэнт
01 снежня 2021, 09:08

Лукашэнка: у Беларусі Назарбаева ведаюць і высока цэняць як выдатнага палітыка сусветнага маштабу

Нурсултан Назарбаеў. Фота Казінфарм
Нурсултан Назарбаеў. Фота Казінфарм

1 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Нурсултана Назарбаева з Днём Першага Прэзідэнта Рэспублікі Казахстан. Аб гэтым карэспандэнту БЕЛТА паведамілі ў прэс-службе беларускага лідара.

"Ваша актыўная стваральная дзейнасць на пасадзе кіраўніка дзяржавы непарыўна звязана з перыядам станаўлення суверэннага Казахстана, - адзначыў Аляксандр Лукашэнка. - Прынятыя вамі адказныя і прадуманыя рашэнні захавалі адзінства нацыі, яе гістарычныя і культурныя каштоўнасці, садзейнічалі паспяховаму пераўтварэнню палітычнай сістэмы, імкліваму сацыяльна-эканамічнаму развіццю. Сёння краіна працвітае шмат у чым дзякуючы вам, Першаму Прэзідэнту Рэспублікі Казахстан".

Кіраўнік беларускай дзяржавы падкрэсліў, што ў Беларусі Нурсултана Назарбаева ведаюць і высока цэняць як выдатнага палітыка сусветнага маштабу, які стаяў ля вытокаў фарміравання беларуска-казахстанскіх адносін, заснаваных на братэрскай дружбе, узаемнай падтрымцы і стратэгічным партнёрстве.

Прэзідэнт пажадаў Нурсултану Назарбаеву добрага здароўя, новых дасягненняў у служэнні Айчыне і доўгіх гадоў жыцця ў коле любячай сям'і і верных таварышаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі