18 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка сустрэўся з часова выконваючым абавязкі кіраўніка ДНР Дзянісам Пушыліным, перадае карэспандэнт БЕЛТА.
"Я хацеў бы, што называецца з першых вуснаў, пачуць сітуацыю ў Данецкай Народнай Рэспубліцы, калі гэта магчыма. На фронце як у нас там справы? Таму што цэнтральны так званы ўчастак - ён у вас там самы складаны. Ідуць вельмі інтэнсіўныя баі. І на поўнач, і на поўдзень. Ды і ў напрамку Данецка. Абстрэлы. Людзям цяжкавата. І ў гэтай сітуацыі што Беларусь можа зрабіць для Данецка, чым мы можам дапамагчы?" - абазначыў Аляксандр Лукашэнка тэму для абмеркавання.
"Работы наперадзе вельмі шмат. Трэба аднаўляцца. Трэба прамысловыя прадпрыемствы адраджаць, сельскую гаспадарку. У рэшце рэшт, людзі там жыць будуць. Гэта 100 працэнтаў. І карміць людзей жа трэба. Таму мы гатовы аказаць адпаведную дапамогу і падтрымку для таго, каб не чужыя нам людзі там нарэшце перасталі пакутаваць. Таму я чакаю такой адкрытай ад вас размовы. Давайце падзелімся меркаваннямі", - дадаў Прэзідэнт.
У сваю чаргу Дзяніс Пушылін адзначыў, што ў Беларусі адчуваецца традыцыйная гасціннасць.
"Я думаю, Дзяніс Уладзіміравіч, ты ўжо даволі добра ведаеш Беларусь. Таму я рады, што добрае меркаванне склалася пра Беларусь", - сказаў у адказ Аляксандр Лукашэнка.-0-
