31 сакавіка, Мінск /Кар. БЕЛТА/. Супрацоўніцтва Беларусі і Расіі заснавана на павазе і ўзаемнай падтрымцы. Аб гэтым заявіў Прэзідэнт Беларусі Аляксандр Лукашэнка ў Пасланні беларускаму народу і Нацыянальнаму сходу, перадае карэспандэнт БЕЛТА.
"На вышэйшым узроўні супрацоўніцтва Беларусі і Расіі грунтуецца на павазе і ўзаемнай падтрымцы бакоў. Закрытых тэм у нас няма", - сказаў Аляксандр Лукашэнка.
Прэзідэнт Беларусі адзначыў, што ўзаемадзеянне з Расійскай Федэрацыяй мае ўсёабдымны, шматпланавы характар. "Мы выбудавалі даволі эфектыўную мадэль міждзяржаўных адносін, у цэнтры якой знаходзіцца будаўніцтва Саюзнай дзяржавы. Вопыт нашай інтэграцыі стаў паказальным для іншых аналагічных структур на постсавецкай прасторы. Але ці тое яшчэ будзе!" - падкрэсліў ён.
Паводле слоў Аляксандра Лукашэнкі, менавіта саюзнае будаўніцтва садзейнічала вырашэнню вельмі складаных сацыяльна-эканамічных пытанняў, дазволіўшы дзвюм краінам фарміраваць умовы для ўстойлівага росту эканомік, павелічэння тавараабароту, паспяхова каардынаваць знешнюю палітыку, павышаць абараназдольнасць, захоўваць агульную сацыяльную і гуманітарную прастору.-0-
