ДЗЯРЖОРГАНЫДЗЯРЖОРГАНЫ
Флаг Серада, 31 мая 2023
Мінск Ясна +13°C
Усе навіны
Усе навіны
Прэзідэнт
13 сакавіка 2023, 17:31

Лукашэнка расказаў пра ўклад Прэзідэнта Ірана ў развіццё больш актыўнага супрацоўніцтва краін

13 сакавіка, Тэгеран /Кар. БЕЛТА/. Час і абставіны прымусілі Беларусь і Іран актывізаваць супрацоўніцтва. Аб гэтым Прэзідэнт Беларусі Аляксандр Лукашэнка заявіў у Тэгеране на сустрэчы са старшынёй Сходу ісламскага савета Махамадам-Багерам Галібафам, перадае карэспандэнт БЕЛТА.

У час перагавораў Махамад-Багер Галібаф выказаў упэўненасць, што візіт Аляксандра Лукашэнкі ў Тэгеран стане "пераломным момантам, зыходным пунктам" у развіцці двухбаковых адносін паміж краінамі. "Тое, што мне далажылі аб сённяшніх вашых сустрэчах, даказвае, што ваш візіт вельмі эфектыўны, - падкрэсліў спікер іранскага парламента. - Я думаю, што рэгіянальныя і міжнародныя ўмовы для развіцця ўсебаковых адносін з вашай краінай дастаткова падрыхтаваны. Безумоўна, далейшае развіццё нашых двухбаковых адносін залежыць толькі ад нас саміх".

Парламентарый запэўніў, што іранскі бок поўны рашучасці рэалізаваць усе дасягнутыя дамоўленасці. "Упэўнены, што такая ж жалезная воля з боку вашага правасхадзіцельства існуе ў Рэспубліцы Беларусь", - дадаў Махамад-Багер Галібаф.

"Вы вельмі дакладна сказалі аб тым, што цяперашнія нашы перагаворы і візіт нашай дэлегацыі ў Іран - гэта новая ступень у нашым супрацоўніцтве, што гэты візіт адкрые новую старонку нашага супрацоўніцтва. Гэта ўсё адбываецца дзякуючы ініцыятыве вашага Прэзідэнта. Гэта ён увесь час падштурхоўваў мяне і нашых службовых асоб да больш актыўнага супрацоўніцтва", - адзначыў у сваю чаргу Аляксандр Лукашэнка.

Прэзідэнт канстатаваў, што беларуска-іранскія адносіны маюць сваю гісторыю, і яна немалая. "Але апошнім часам намецілася нейкая паўза, запаволенне нашага супрацоўніцтва. Гэта было звязана, калі шчыра гаварыць, з неабавязковасцю бакоў выконваць тыя дамоўленасці, якія дасягаліся на высокім узроўні. Гэта значыць, мы дамаўляліся, паціскалі рукі, ад'язджалі, а працэс рэалізацыі зацягваўся: вельмі шмат валакіты, бюракратызму было. І таму адносіны добрыя былі, але эканоміка асабліва не рухалася наперад, гандлёва-эканамічныя адносіны належным чынам не развіваліся. Але час і абставіны - унутранага характару, знешняга - прымусілі нас актывізавацца", - рэзюмаваў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі