ДЗЯРЖОРГАНЫДЗЯРЖОРГАНЫ
Флаг Чацвер, 26 мая 2022
Мінск +11°C
Усе навіны
Усе навіны
Прэзідэнт
06 студзеня 2022, 18:07

Лукашэнка расказаў, чаму "гвалтуюць опы", і пра нюансы работы бандыцкіх СМІ па Казахстане

6 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка пракаменціраваў рэакцыю шэрага прадстаўнікоў апазіцыі на рашэнне падтрымаць накіраванне міратворчых сіл АДКБ у Казахстан, а таксама адзначыў адрозненні ў падыходах "бандыцкіх СМІ" ў выпадку з падзеямі ў Казахстане і Беларусі. Адпаведныя заявы кіраўнік дзяржавы зрабіў на нарадзе па пытаннях рэалізацыі гістарычнай палітыкі, перадае карэспандэнт БЕЛТА.

"Ну і нашы гэтыя - "пілсудчына". Але, заўважце, сродкі масавай інфармацыі працуюць - вось гэтыя - бандыцкія - не так, як супраць Беларусі. Так ціхенька, спакойна, а цяпер практычна прыціхлі. Чаму - таму што кіруюцца спецслужбамі. А спецслужбы на службе вось гэтых буйных карпарацый, якія сядзяць на газе, нафце ў Казахстане", - сказаў Прэзідэнт.

Гаворачы пра перакідку ў Казахстан міратворчых сіл АДКБ і ўдзел у гэтым Беларусі, Аляксандр Лукашэнка звярнуў увагу, што і "нашы опы разышліся гвалтам". "Рэферэндум жа, ім трэба за нешта зачапіцца, каб брыкнуць Прэзідэнта. Таму што мне ж прымаць рашэнне давялося", - заўважыў ён.

"Але паўстае пытанне. Ну добра, яны (апазіцыя. - Заўвага БЕЛТА) прапануюць у НАТА ўступіць. А калі б мы былі ў НАТА? Колькі загінула палякаў, члены НАТА, у Афганістане, Сірыі і гэтак далей? Дзясяткі. Цішыня. Чаму не асуджаюць? Таму калі ў саюзе, то саюзам давядзецца і дзейнічаць, асабліва ў гэты гарачы час. Калі яны пачынаюць выць, нашы збеглыя гэтыя, адтуль, зразумела - яны адпрацоўваюць грошы. Але паўстае пытанне: чаму не вылі, калі 30 тысяч ваенных былі перакінуты да граніцы Беларусі і Польшчы?" - адзначыў кіраўнік дзяржавы.

Аляксандр Лукашэнка ўпэўнены, што на беларуска-польскай граніцы хацелі ажыццявіць правакацыю: "Яны масіравана апрацоўвалі насельніцтва, у свеце ў тым ліку, што я выкарыстоўваю збеглых як зброю там і гэтак далей, не шкадую, варвар… Нам проста пашанцавала, што гэты хлопец (польскі ваеннаслужачы Эміль Чэчка. - Заўвага БЕЛТА) збег, і мы паказвалі, што адбывалася на самай справе. Там вельмі шмат яны перабілі гэтых збеглых у лесе. Там калі цяпер расследаваць… Яны ж замялі гэта пытанне, не хочуць наогул яго ўзнімаць".

"Яны хацелі ўчыніць канфлікт на граніцы. І апагеем стала вось гэта парушэнне дзяржаўнай граніцы, калі палівалі і святлошумавыя гранаты кідалі. Гэта было прамое парушэнне. Нам трэба было рэагаваць, - адзначыў Прэзідэнт. - Згодна з нашым законам мы павінны былі адказаць агнём. На што яны разлічвалі? Цяпер гэта ўжо зразумела: што я падыму верталёты і нанясу ўдар. Я ў адпаведнасці з законам меў права на гэта, але я разумеў, што правакацыя, самая сапраўдная. Я гэтага не зрабіў - правакацыя не ўдалася. Але гэта так, адыходзячы ад асноўнай тэмы, каб вы разумелі, як гэта брыдкая каша спецслужбамі закручваецца".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі